«ءبىز تازا اۋامەن تىنىستاعىمىز كەلەدى»: سەمەيلىكتەر قتق پوليگون ماسەلەسىن شەشۋدى تالاپ ەتۋدە. بۇل تۋرالى Facebook جەلىسىندە بىرنەشە جازبا جاريالانعان. ءبىز سول ماسەلەنى وقىرمان تالقىسىنا ۇسىنباقپىز. 

سەمەيدە قوقىس ماسەلەسى وزەكتى. قالا تۇرعىندارى دەنساۋلىققا زيان كەلتىرەتىن ۋلى قالدىقتارى بار قاتتى تۇرمىستىق قالدىقتار پوليگونىنىڭ تولىپ قالۋىنان زارداپ شەگۋدە. وتكەن جىلدىڭ جەلتوقسان ايىنىڭ سوڭىندا قالا تۇرعىندارىنىڭ ءبىرى سەمەي پروكۋرورىنا ءتيىستى ەكولوگيالىق ءتارتىپتى قامتاماسىز ەتۋ بويىنشا شۇعىل شارالار قابىلداۋ تۋرالى ءوتىنىش جازدى.

ءوز مالىمدەمەسىندە سەمەي تۇرعىنى  برونح دەمىكپەسىنەن زارداپ شەگەتىنىن جانە پۋلمونولوگتىڭ قاتاڭ قاداعالاۋىندا ەكەنىن اتاپ ءوتتى. تىنىس الۋ اۋرۋىمەن قاتار، قوقىس پوليگونى دا اسەر ەتەدى. قالدىقتار سۇرىپتالماي، ءبىو ۇيىندىگە اينالىپ جاعىلادى.

بۇل سەمەي تۇرعىندارىنىڭ العاشقى نارازىلىعى ەمەس. سونىمەن قاتار، ۇيلەرى پوليگونعا جاقىن ورنالاسقان ادامدار عانا ەمەس، اۋلالاردا ۇنەمى تولىپ جاتقان قوقىس كونتەينەرلەرىنەن زارداپ شەگەتىندەر دە كومەككە جۇگىنەدى. سەمەي  قالاسى قوقىسقا كومىلىپ جاتقاندا كاسىپورىن باسشىلىعى قالالىق ءماسليحاتتىڭ ەكس-دەپۋتاتى رافاەل حازيپوۆ قالا تۇرعىندارىنىڭ وتىنىشتەرىنە مۇلدە جاۋاپ بەرمەيدى.

پوليگوننىڭ ەسكىرگەنى انىق. بۇدان باسقا، ول اۋەجايعا تىكەلەي جاقىن ورنالاسقان. ال، بۇل قر ەكولوگيالىق كودەكسىن تىكەلەي بۇزۋ بولىپ تابىلادى. قازىر بۇل قاۋىپتى قوقىس پوليگونى. ويتكەنى سوڭعى رەت ءورت 4 كۇن ىشىندە سوندىرىلە المادى. ماسەلەنى ەكولوگيالىق ستاندارتتار مەن تالاپتارعا سايكەس كەلەتىن جاڭا پوليگون سالۋ ارقىلى شەشۋگە بولادى. بىراق بۇل قازىرگى باسشىلىققا ءتيىمسىز. سەبەبى،  بۇل حازيپوۆ مىرزانىڭ «قوقىس» يمپەرياسىنىڭ اياقتالعانىن بىلدىرەدى. ازىرگە ادامدار الەۋمەتتىك جەلىلەرگە تەك قوقىس جاشىكتەرى تولعان فوتوسۋرەتتەردى سالۋعا عانا قاۋقارلى.

ەسكەرتۋ: Abai.kz ەركىن اقپارات الاڭى. وي جارىستىرىپ، پىكىر تالاستىرۋعا قازاقستاننىڭ كەز كەلگەن ازاماتى قۇقىلى. الداعى ۋاقىتتا ماتەريالدا ەسىم-سويى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن پورتالدا جاريالايتىنىمىزدى ەسكەرتەمىز.

Abai.kz