جاڭاوزەندە حالىق سانى ارتقاننان كەيىن جۇمىسسىزدىق دەڭگەيى ءوستى. سەناتور سۇيىندىك الداشەۆ 30 جىلدا جاڭاوزەن قالاسىنىڭ تۇرعىندارى 60 مىڭ ادامنان 160 مىڭ ادامنان اسقانىن جانە جىل سايىن 3500 ادامعا ءوسىپ وتىرعانىن اتادى.

بۇعان قوسا، كەن ورنىندا جىلىنا 5,3-5,5 ملن توننا مۇناي وندىرىلەدى. مامانداردىڭ مالىمەتتەرى بويىنشا، الۋعا بولاتىن مۇناي قورى شامامەن 150 ملن توننانى قۇرايدى. بۇل قور 30-35 جىلعا ەسەپتەلگەن. دەپۋتاتتىڭ پىكىرىنشە، بۇل ۋاقىتتى بارىنشا ءتيىمدى پايدالانۋ كەرەك. ويتكەنى جاڭاوزەن مونوقالا رەتىندە ءوز مۇمكىندىكتەرىن پايدالانا الماي وتىر. دەپۋتات وسىعان بايلانىستى اتالعان ماسەلەنىڭ بىرقاتار شەشىمدەرىن ۇسىندى.

"كەنورىنعا قاجەت قۇرال جابدىقتاردىڭ، ماتەريالداردىڭ ءتىزىمىن جاساپ، قايسىبىرىن جەرگىلىكتى شاعىن، ورتا كاسىپكەرلەرىنە تىكەلەي تاپسىرىسپەن كوپجىلدىق مەرزىمگە بەرۋ كەرەك. قالا اۋماعىنا «ەرەكشە اۋماق» ستاتۋسىن بەرۋ مۇمكىندىگىن قاراستىرۋ، قاجەت بولسا «وزەنمۇنايگاز» اق جارعىسىنا وزگەرىس ەنگىزۋدى قاراستىرۋ كەرەك", - دەيدى ول.

Abai.kz