ۇلتتىق ستاتيستيكا بيۋروسىنىڭ مالىمەتىنشە، 2022 جىلعى 1 قاڭتارداعى جاعداي بويىنشا ەلدەگى حالىق سانى 19125,6 مىڭ ادامدى قۇراسا، ءبىر جىلدا 248,5 مىڭ ادامعا ءوستى. بۇل ءتىرالى Zakon.kzكە سىلتەمە جاساپ حابارلايدى. 

قالا حالقى 11355,8 مىڭ (59,4%) ادام، اۋىل حالقى 7769,8 مىڭ (40,6%) ادام. 2021 جىلعا رەسپۋبليكا حالقىنىڭ ءوسىمى 2020 جىلمەن سالىستىرعاندا (263,0 مىڭ ادام) 1,6%-عا ارتىپ، 267,3 مىڭ ادامدى قۇرادى. 1000 حالىققا شاققانداعى ءوسىمنىڭ جالپى كوەففيتسيەنتى 13,88 ادامدى قۇرادى.
احاج مالىمەتتەرى بويىنشا، 2021 جىلى تۋىلعاندار سانى 450,7 مىڭ ادامدى قۇرادى، بۇل 2020 جىلدىڭ سايكەس كەزەڭىمەن سالىستىرعاندا (425,6 مىڭ ادام) 5,9%-عا ارتىق.

بۇل رەتتە قايتىس بولعاندار سانى 183,4 مىڭ ادامدى قۇرادى، بۇل 2020 جىلعى قاڭتار-جەلتوقسانمەن سالىستىرعاندا (162,6 مىڭ ادام) 12,8%-عا ارتىق. جالپى ءولىم كورسەتكىشى 1000 ادامعا شاققاندا 9,53 ءولىمدى قۇرادى.
وتكەن جىلى رەسپۋبليكادا ءبىر جاسقا دەيىنگى 3763 ءسابيدىڭ ءولىمى تىركەلدى. وتكەن جىلدىڭ سايكەس كەزەڭىمەن سالىستىرعاندا (3315 نارەستە قايتىس بولدى) نارەستە ءولىمى 13,5%-عا ءوستى. نارەستە ءولىمىنىڭ كورسەتكىشى 1000 تۋىلعانعا شاققاندا 8,35 جاعدايدى قۇرادى.

Abai.kz