ماسكەۋ مەن دۋشانبە ەڭبەك ميگرانتتارىن زەينەتاقىمەن قامتاماسىز ەتۋ كەلىسىمىنە كەلىسكەن. بىراق قۇجاتتى ەكى ەلدىڭ پارلامەنتتەرى ءالى راتيفيكاتسيالاماي جاتىر.

بۇل تۋرالى وزودي راديوسىنا تاجىكستان ۇكىمەتىنىڭ جانىنداعى الەۋمەتتىك قامسىزداندىرۋ جانە زەينەتاقى اگەنتتىگىنىڭ وكىلى مالىمدەدى.

2021 جىلى قىركۇيەكتە كەلىسكەن قۇجاتقا سايكەس، ميگرانت رەسمي ىستەگەن جانە زەينەتاقى قورىنا اقشا اۋدارعان ەل كەيىن وعان زەينەتاقى تولەپ بەرۋگە مىندەتتى بولادى.

بىراق رەسەيدە ىستەگەن ميگرانتتاردىڭ ءبارى زەينەتاقى الا المايدى. ماماندار پىكىرىنشە، ەگەر ميگرانت رەسەيدە پاتەنت اقىسىن تولەسە عانا، بۇل كەلەشەكتە زەينەتاقى الادى دەگەندى بىلدىرمەيدى. پاتەنتپەن قوسا ونىڭ جۇمىس بەرۋشىمەن كەلىسىم-شارتى جانە ساقتاندىرۋ نومەرى بولۋى كەرەك. جۇمىس بەرۋشى اي سايىن ميگرانت ءۇشىن رەسەيدىڭ زەينەتاقى قورىنا ساقتاندىرۋ تولەمىن تولەپ تۇرۋى ءتيىس.

Abai.kz