قازاقستان رەسپۋبليكاسى پارلامەنتى سەناتىنىڭ كۋلۋارىندا سپيكەر ماۋلەن اشىمباەۆ ۋكرايناداعى سوعىس قيمىلدارىنا قاتىسۋعا قازاقستاندىق بىتىمگەرشىلىك كۇشتەرى جىبەرىلۋى مۇمكىن بە دەگەن سۇراققا جاۋاپ بەردى.

"بۇل جاعدايدا ءبىز مىنانى ەسكەرۋىمىز كەرەك – قازاقستان ۇجىمدىق قاۋىپسىزدىك شارتى ۇيىمىنىڭ – ۇقشۇ-نىڭ مۇشەسى. وسىعان بايلانىستى قاقتىعىس ايماعىنا قازاقستاندىق بىتىمگەرلەردى جىبەرۋ مۇمكىن بە دەگەن سۇراق تۋىندايدى. بۇل جەردە دە ءبىزدىڭ ۇستانىمىمىز ايقىن. بىرىككەن ۇلتتار ۇيىمىنىڭ جارعىسى مەن باسقا دا قۇجاتتارعا سايكەس، قازاقستان ءبىزدىڭ بىتىمگەرشىلىك كۇشتەرىمىزدى ۇقشۇ ەلدەرىنەن تىسقارى جەرلەرگە تەك بۇۇ مانداتىنا سايكەس قانا جىبەرە الادى.

قاقتىعىس ايماعى قاتىسۋشى ەلدەردىڭ اۋماعىنا كىرمەيدى، سوندىقتان بىزدە وسى شارتتار مەن راتيفيكاتسيالانعان كەلىسىمدەرگە سايكەس، ۇقشۇ شەڭبەرىندە بىتىمگەرشىلىك كۇشتەردى قاقتىعىسقا جىبەرۋگە قۇقىمىز جوق. بىراق قانداي دا ءبىر جاعداي تۋىنداپ، بۇۇ-نىڭ مانداتى اياسىندا بۇۇ دەڭگەيىندە شەشىم قابىلدانسا، شەشىم بولعان جاعدايدا قازاقستان الەمنىڭ كەز كەلگەن نۇكتەسىنە بىتىمگەرشىلىك كۇشتەرىن جىبەرە الادى",  -دەيدى ماۋلەن اشىمباەۆ.

Abai.kz