الماتى وبلىسىنىڭ اكىمى قانات بوزىمباەۆ قازاقستاندا اتوم ەلەكتر ستانتسياسىن سالۋ كەرەكتىگىن ايتتى.

«بىردەن ايتا كەتۋ كەرەك، مەن قازاقستاندا اتوم ەلەكتر ستانساسىن سالۋدى جاقتايمىن. مەن ۇزاق ۋاقىت ەنەرگەتيكا سالاسىندا جۇمىس ىستەدىم. ءتيىستى مەكەمەلەر بىرەر جىلدان كەيىن بىزدە ەلەكتر ەنەرگياسىنىڭ تاپشىلىعى بولۋى مۇمكىن دەيدى. بىزگە نەگىزگى قۋات قاجەت»، - دەدى وبلىس اكىمى.

بۇل رەتتە ول بۇل نىساندى سالۋ ماسەلەسىنە مۇقيات قاراۋ كەرەكتىگىن قوستى.

«مەن اتوم ەلەكتر ستانتسياسىنىڭ قاي جەردە – بالقاشتىڭ نەمەسە ەرتىستىڭ جاعاسىندا ورنالاساتىنىن بىلمەيمىن، بىراق سۋدىڭ كولەمى مىندەتتى تۇردە قاجەت. اينالمالى سۋ قۇبىرى بار، ول سالقىنداتۋ ءۇشىن قاجەت. ستانتسيا سالىناتىن جەردى بەلگىلەۋ وبلىس اكىمى رەتىندەگى مىندەتىمە كىرمەيدى. مەن بۇعان ەشقانداي اسەر ەتە المايمىن جانە مەنى اەس سالۋ ءۇشىن الماتى وبلىسىنىڭ باسشىسى ەتىپ تاعايىندادى دەگەن قاۋەسەت جاي عانا بولجام»، - دەپ تۇيىندەدى ءسوزىن بوزىمباەۆ.

Abai.kz