رەسەيدىڭ قارۋلى كۇشتەرى ۋكرايناعا باسىپ كىرگەلى بەرى ەلدەن بوسىپ كەتكەن ازاماتتار سانى ەكى ميلليونعا جەتتى، دەپ حابارلادى 8 ناۋرىزدا بۇۇ-نىڭ بوسقىندار ءىسى جونىندەگى جوعارسى كوميسسارى فيليپپو گراندي. بۇۇ مالىمەتىنشە، ەۋروپادا ەكىنشى دۇنيەجۇزىلىك سوعىستان بەرى مۇنداي داعدارىس بولماعان.

ۋكرايناداعى سوعىستىڭ باستالعانىنا ەكى اپتا وتكەن جوق. سوعان قاراماستان 900 مىڭعا جۋىق ۋكرايندىق باس ساۋعالاپ پولشاعا وتسە، 150 مىڭى ۆەنگريانى پانالادى. ەۋرووداق ءوز اۋماعىندا 6,5 ميلليون بوسقىندى قابىلداۋعا دايىن.

ءبىر تاۋلىكتىڭ ىشىندە ۋكراين شەكاراسىنان باتىسقا قاراي 132 مىڭ ادام ءوتتى، دەپ حابارلادى مەملەكەتتىك شەكارا قىزمەتى.

"بىزگە اتىستىڭ تىيىلعانى، بىزگە ءبىتىم كەرەك، سول كەزدە ادامدار ەلدەن قاشپايدى، ۇيلەرىنە قايتا ورالادى. بىراق ولار قازىر ابدەن شوشىپ قالعان", - دەدى گراندي ء"ال-جازيرا" تەلەارناسىنا.

Abai.kz