رەسەي پرەزيدەنتى ۆلاديمير ءپۋتيننىڭ ۋكراينا مەملەكەتىنە باسىپ كىرگەنى ءۇشىن العىس ايتقان ەليزاۆەتا مەتۆەەۆا قۇقىق قورعاۋ ورگاندارىنىڭ نازارىنا ىلىكتى.

قۇقىق قورعاۋ ورگاندارى «ونىڭ جەكە باسىن انىقتاپ، جاريالاعان ۆيدەوسىن پروكۋراتۋرا زەرتتەپ جاتقانىن» ايتقان.

شىعىس قازاقستان تۇرعىنى TikTok-تا ۆيدەو جاريالاپ، قازاقستاندا قىسىم كورىپ جاتقانىن ايتقان.

"قازىر ءبارى ناتسيزم مەن فاشيزم تۋرالى، ءبىر ءناسىلدىڭ وكىلى ەكىنشى ءناسىلدى جەك كورۋى تۋرالى، ادامداردىڭ ءبىر-ءبىرىن جەك كورۋى تۋرالى ايتۋدا. قازىرگى زاماننىڭ ەڭ وزەكتى تاقىرىبى – ناتسيزم. بۇل تەك ورىستار مەن ۋكرايندارعا قاتىستى ەمەس، وكىنىشكە وراي الەمدە ناتسيزم وركەندەپ جاتىر. سوندىقتان پۋتينگە العىسىمدى ايتقىم كەلەدى. مەن ونىڭ ارقاسىندا ءوزىمدى قاۋىپسىز سەزىنەمىن. نەگە ەكەنىن ايتايىن. مەن قازاقستاندا تۇرامىن. بىزگە قىسىم كورسەتىلدى. قازاقستاننىڭ ادامدارى ونى ءتۇسىنىپ وتىر. ءبارىن تىزبەكتەمەي-اق قويايىن، بىراق مىناداي بەلگىلەر بولدى: قايدا بارامىن؟ ۋكرايناداعىداي ناتسيزم باستالىپ كەتسە نە بولادى؟ ءدال قازىر بولىپ جاتقان جاعدايعا قاراپ وزىمە قاۋىپ تۋىپ تۇرماعانىن بىلەمىن، سەبەبى ءبىزدى كەلىپ قۇتقاراتىن پۋتين بار. سول ءۇشىن پۋتينگە راحمەتىمدى ايتامىن»، - دەپ جاريالاعان ماتۆەەۆا.

رەسەي ورىستارعا قىسىم كورسەتتى-مىس دەپ ۋكرايناعا «قىسپاقتى» 2014 جىلى قىرىمدى اننەكسيالاۋدان باستادى. دونەتسك پەن لۋگانسك وبلىستارىنىڭ تاۋەلسىزدىگىن مويىندادى. 2022 جىلى 24 اقپاندا ۋكرايناعا اسكەرىمەن باسىپ كىرىپ، سويقان باستادى.

Abai.kz