ۋكراينادا سوعىس باستالعالى بەرى 516 بەيبىت تۇرعىن قازا تاۋىپ، 908 ادام جاراقات الدى. وسىلاي دەپ بۇۇ ادام قۇقىقتارى بويىنشا جوعارعى كوميسسارى باسقارماسى حابارلادى.

ۇيىم مالىمەتىنە قاراعاندا، كوز جۇمعانداردىڭ اراسىندا 98 ەر ادام، 60 ايەل، توعىز بالا، بەس قىز جانە 23 ءسابي بار. قالعان قۇربان بولعان 312 ادامنىڭ اتى-ءجونى انىقتالمادى.

بەيبىت تۇرعىنداردىڭ اراسىندا قۇربان بولعانداردىڭ باسىم بولىگى دونەتسك جانە لۋگانسك وبلىستارىنىڭ تۇرعىندارى. بۇل ايماقتا 111 ادام قازا تاۋىپ، 462 ادام جاراقات العان.

بۇۇ قازا بولعان بەيبىت تۇرعىندار سانى بۇدان دا كوپ بولۋى مۇمكىن ەكەنىن، سەبەبى ناقتى اقپاراتتار كەش ءتۇسىپ جاتقانىن، ولاردىڭ كوبىن راستاۋ قاجەت بولىپ جاتقانىن جەتكىزدى.

جۇزدەگەن تۇرعىن ءۇي زارداپ شەككەن ۆولنوۆاحا، ماريۋپول جانە يزيۋم قالالارىنان كەلگەن مالىمەتتەر بۇل ستاتيستيكاعا ەنگىزىلمەگەن، سەبەبى ولاردىڭ كوبى تەكسەرىلمەگەن.

Abai.kz