عۇربانعۇلى بەردىمۇحامەدوۆتىڭ  ۇلى تۇرىكمەنستاندا وتكەن پرەزيدەنتتىك سايلاۋدا جەڭىسكە جەتتى

تۇركىمەنستاننىڭ قازىرگى پرەزيدەنتى عۇربانعۇلى بەردىمۇحامەدوۆتىڭ  ۇلى سەردار بەردىمۇحامەدوۆ ەلدەگى پرەزيدەنتتىك سايلاۋدا جەڭىسكە جەتتى.

"سەردار بەردىمۇحامەدوۆ تۇركىمەنستان پرەزيدەنتىنىڭ سايلاۋىندا 72,97% داۋىس جيناپ جەڭىسكە جەتتى", - دەپ حابارلادى سەيسەنبىدە تۇرىكمەنستاننىڭ ورتالىق سايلاۋ كوميسسياسى.

ەستەرىڭىزگە سالا كەتەيىك، بۇعان دەيىن تۇركىمەنستاندى 2007 جىلدان بەرى باسقارىپ كەلە جاتقان پرەزيدەنت عۇربانعۇلى بەردىمۇحامەدوۆ ەل دامۋىنىڭ جاڭا كەزەڭىندە مەملەكەتتىك باسقارۋدى جاستارعا بەرۋ كەرەكتىگىن ايتقان بولاتىن. وسىعان بايلانىستى ول ورتالىق سايلاۋ كوميتەتىنە ءتيىستى جۇمىستى باستاۋدى تاپسىردى.

ناتيجەسىندە وسك 12 ناۋرىزعا مەرزىمىنەن بۇرىن پرەزيدەنتتىك سايلاۋ كۇنىن بەلگىلەدى. 14 اقپاندا قازاقستان پرەزيدەنتى قاسىم-جومارت توقاەۆ بەردىمۇحامەدوۆتىڭ مەرزىمىنەن بۇرىن سايلاۋ وتكىزۋ تۋرالى باستاماسىن قولداعان بولاتىن. اقىرىندا سايلاۋعا تۇسۋگە  "جاستاردىڭ اتىنان"  پرەزيدەنتتىڭ ۇلى سەردار ۇسىنىلدى.

Abai.kz