اقتاۋداعى بەيجىڭ كومپانياسىنىڭ فيليالىنا ميلليونداعان ايىپپۇل سالىندى،- دەپ جازدى اقتاۋلىق «لادا» سايتى.

"تەرگەۋ بارىسىندا ساتىپ الۋدى ۇيىمداستىرۋشى " كمك مۇناي " اق تاۋار نارىعىنا قولجەتىمدىلىكتى شەكتەپ نە ودان نارىقتىڭ باسقا سۋبەكتىلەرىن جويىپ، بەيجىڭ مۇناي جابدىقتاۋ جونىندەگى "يانگۋانتيانچۋان" جشق اقتاۋ فيليالىمەن شارت جاساسقانى انىقتالدى", - دەلىنگەن حابارلامادا.

تەرگەۋ قر كاسىپكەرلىك كودەكسىنىڭ 169-بابى 3-تارماعىنىڭ 5-تارماقشاسى (تاۋار نارىعىنا قولجەتىمدىلىكتى شەكتەۋ نەمەسە ودان بەلگىلى ءبىر تاۋارلاردى ساتۋشىلار (جەتكىزۋشىلەر) نەمەسە ولاردى ساتىپ الۋشىلار رەتىندە نارىقتىڭ باسقا سۋبەكتىلەرىن جويۋ) بويىنشا جۇرگىزىلدى.

"ەگەر بۇل ارەكەتتەردە قىلمىستىق جازالاناتىن ارەكەت بەلگىلەرى بولماسا (قر قك 221-بابى), وندا سانكتسيا مونوپوليستىك قىزمەتتى جۇزەگە اسىرۋ ناتيجەسىندە الىنعان مونوپوليالىق تابىستى ءبىر جىلدان اسپايتىن مەرزىمدە تاركىلەي وتىرىپ، تابىستىڭ 3-5 پايىزى مولشەرىندە ايىپپۇل سالۋدى كوزدەيدى", - دەپ ءتۇسىندىردى ۆەدومستۆودا.

سوت قاۋلىسىنا سايكەس، بەيجىڭ مۇناي جابدىقتاۋ جونىندەگى "يانگۋانتيانچۋان" جشق اقتاۋ فيليالى قر اكىمشىلىك قۇقىق بۇزۋشىلىق تۋرالى كودەكسىنىڭ 159-بابىنىڭ 1-بولىگى بويىنشا 5 940 706 تەڭگە سوماسىندا ايىپپۇل تۇرىندە، 14 747 851 تەڭگە مولشەرىندە مونوپوليالىق تابىسى تاركىلەنىپ، اكىمشىلىك جاۋاپكەرشىلىككە تارتىلادى. قاۋلى ءالى زاڭدى كۇشىنە ەنگەن جوق.

Abai.kz