پارلامەنتى ءماجىلىسىنىڭ  توراعاسى نۇرلان نىعماتۋليننىڭ باسشىلىعىمەن وتكەن   جالپى وتىرىستا  دەپۋتات الماس تۇرتاەۆ  قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆكە دەپۋتاتتىق ساۋال جولدادى.

«ەڭبەك جانە حالىقتى الەۋمەتتiك قورعاۋ مينيسترلىگىنىڭ تاراتقان اقپارىنا سايكەس، 2011 جىلى ەلىمىزدە ءبىرىنشى رەت مۇگەدەك بولىپ 35,7 مىڭ ادام تىركەلگەن، ونىڭ 19,4 پايىزى مۇگەدەك بالالار.

مۇگەدەكتىك جانە ەڭبەك قابىلەتىنەن ايىرۋ، جارامدى-جارامسىزدىق دارەجەسىن انىقتاۋ  «مەديتسينالىق-الەۋمەتتiك ساراپتاما جۇرگiزۋ ەرەجەسiن بەكiتۋ تۋرالى» قازاقستان رەسپۋبليكاسى ۇكiمەتiنiڭ 2005 جىلعى 20 شiلدەدەگi N 750 قاۋلىسىنا سايكەس، ەڭبەك جانە حالىقتى الەۋمەتتiك قورعاۋ مينيسترلىگىنىڭ اۋماقتىق بولiمشەلەرiنە تيەسىلى.

پارلامەنتى ءماجىلىسىنىڭ  توراعاسى نۇرلان نىعماتۋليننىڭ باسشىلىعىمەن وتكەن   جالپى وتىرىستا  دەپۋتات الماس تۇرتاەۆ  قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆكە دەپۋتاتتىق ساۋال جولدادى.

«ەڭبەك جانە حالىقتى الەۋمەتتiك قورعاۋ مينيسترلىگىنىڭ تاراتقان اقپارىنا سايكەس، 2011 جىلى ەلىمىزدە ءبىرىنشى رەت مۇگەدەك بولىپ 35,7 مىڭ ادام تىركەلگەن، ونىڭ 19,4 پايىزى مۇگەدەك بالالار.

مۇگەدەكتىك جانە ەڭبەك قابىلەتىنەن ايىرۋ، جارامدى-جارامسىزدىق دارەجەسىن انىقتاۋ  «مەديتسينالىق-الەۋمەتتiك ساراپتاما جۇرگiزۋ ەرەجەسiن بەكiتۋ تۋرالى» قازاقستان رەسپۋبليكاسى ۇكiمەتiنiڭ 2005 جىلعى 20 شiلدەدەگi N 750 قاۋلىسىنا سايكەس، ەڭبەك جانە حالىقتى الەۋمەتتiك قورعاۋ مينيسترلىگىنىڭ اۋماقتىق بولiمشەلەرiنە تيەسىلى.

اتالمىش ەرەجەنىڭ 17 تارماعىندا كورسەتىلگەندەي، مۇگەدەكتiك جانە كاسiپتiك ەڭبەك قابiلەتiنەن ايىرۋ دارەجەسi مىناداي مەرزىمدەرگە: 6 ايعا، 1 جىلعا، 2 جىلعا نەمەسە قايتا كۋالاندىرۋ مەرزiمiنسىز بەلگىلەنەدى. ەرەجە نورمالارىنا سايكەس، مۇگەدەكتەردە اناتوميالىق كەمiستiكتەر (مىسالى: اياق-قولدىڭ بولماۋى ت.ب.)   بولعان جاعدايدا مۇگەدەكتىك دارەجە مەرزiمسىز تۇراقتى بولادى, ياعني ماڭگىلىك مۇگەدەكتىك كۋالىگى بەرىلەدى. زاڭنامانىڭ وسى تۇسى كوپتەگەن جارىمجان جانداردىڭ اراسىندا ءتۇرلى كوزقاراس تۋدىرۋدا. سەبەبى، باسقا دا دەنە مۇشەسىنەن ايىرىلعان، مىسالى: قان اينالىمى اۋرۋلارىنان كەيىنگى جۇرەك قالقانشالارىن اۋىستىرىپ پروتەزدەۋ، گاسترەكتوميادان (ونكولوگيالىق اۋرۋلاردان) كەيىنگى اسقازانى، بۇيرەگى، وكپەسى جوق ت.ب. مۇشەلەرىنەن ايىرىلىپ قالعان ازاماتتارىمىزگا مۇگەدەكتىك دارەجەنى بەلگىلى عانا مەرزىمگە بەرەمىز. ولاردى بىرنەشە جىل بويى 11 ءتۇرلى قۇجاتتار جيناتىپ، مەديتسينالىق-الەۋمەتتiك ساراپتاما جۇرگىزۋ كوميسسياسىنان وتىكىزىپ - مۇگەدەك ەكەندىكتەرىن قايتا دالەلدەۋگە ماجبۇرلەيمىز! جوق مۇشەنىڭ قايتا ءوسىپ شىقپايتىنى بەلگىلى...

سونىمەن قاتار، ەرەجەنىڭ 13 تارماعىنا سايكەس  مەديتسينالىق-الەۋمەتتiك ساراپتاما جۇرگىزۋ كوميسسياسى قۇرامى اۋماقتىق بولىمشە باستىعى مەن كەمىندە ەكى باس ماماننىڭ قاتىسۋىمەن القالى تۇردە جۇرگىزىلەدى. الايدا، اتالمىش كوميسسيا مۇشەلەرىنىڭ پارا العاندارى جونىندەگى الماتى وبلىسى، تالعار قالاسىنداعى ورىن العان داۋ، ولاردىڭ جۇمىسىنداعى زاڭبۇزۋشىلىقتار بويىنشا پارتياعا شىعىس قازاقستان، قىزىلوردا وبلىستارىنان كەلىپ تۇسكەن شاعىمدار، كوميسسيا مۇشەلەرىنىڭ مەديتسينالىق بىلىكتىلىگىنەن گورى، مەيىرىمى جوعارى بولۋ قاجەتتىلىگىن كورسەتىپ وتىر. قىسقاسى كوميسسيا جۇمىسىنا قوعام تاراپىنان نارازىلىق بار.

جوعارىدا كورسەتىلگەن كەلەڭسىز ارەكەتتەردىڭ الدىن-الۋ ءۇشىن «اق جول» پارتياسى «مەديتسينالىق-الەۋمەتتiك ساراپتاما جۇرگiزۋ» ەرەجەسiنە وزگەرىستەر ەنگىزۋ قاجەت جانە كوميسسيا قۇرامىنىڭ جۇمىسى اشىق، ءادىل بولۋى ءۇشىن  ءتيىستى قوعامدىق بىرلەستىكتەر مەن ۇكىمەتتىك ەمەس ۇيىمداردىڭ وكىلدەرىندە ەنگىزىپ نەمەسە باسقا دا نۇسقالاردى قاراستىرۋ قاجەت دەپ ەسەپتەيدى.

وسى ماسەلەلەردى ەسكەرە وتىرىپ، سىزدەن، قۇرمەتتى سەرىك نىعمەتۇلى، اتالعان جاعدايدى تۇزەتۋ بويىنشا ۇكىمەت تاراپىنان قولدانىلاتىن شارالار جونىندە حاباردار ەتۋىڭىزدى سۇرايمىز.

قر پارلامەنتى ءماجىلىسى اپپاراتىنىڭ  باسپاسوز قىزمەتى تاراتتى