رەسەي سىرتقى ىستەر ءمينيسترى سەرگەي لاۆروۆ پەنتاگون ەسكى كەڭەستىك بيولوگيالىق زەرتحانالاردى جاڭعىرتۋعا ينۆەستيتسيا سالىپ جاتقانىن ايتتى. بۇل تۋرالى orda.kz. سايتىنا سىلتەمە جاساپ Abai.kz حابارلايدى.

مگيمو ستۋدەنتتەرى الدىندا سويلەگەن سوزىندە سەرگەي لاۆروۆ پەنتاگونعا رەسمي وكىلدەردىڭ قولدارى قويىلعان بيولوگيالىق زەرتحانالاردى قارجىلاندىرۋ تۋرالى انىقتالعان فاكتىلەر ۇسىنعان. الايدا امەريكاندىق تاراپ بارلىق ايىپتاۋلاردى جوققا شىعارعانىن ايتتى.

«بىزگە اقش اسكەرىنىڭ ۋكراينادا نە ىستەپ جاتقانىن جاي عانا ءتۇسىندىرۋدىڭ ورنىنا، ءبارى وتىرىك دەپ ايتىپ جاتىر»، - دەدى لاۆروۆ.

رەسەي ءسىم باسشىسى قازاقستان تاجىكستان مەن وزبەكستاننان ۇلگى الا وتىرىپ، بيولوگيالىق قاۋىپ-قاتەر سالاسىنداعى ىنتىماقتاستىق تۋرالى مەموراندۋمعا قول قويادى دەپ ۇمىتتەنەدى.

«ماسەلە كۇردەلى. ال پەنتاگوننىڭ بۇل ماسەلەلەرگە قىزىعۋشىلىعى – بۇرىنعى كەڭەستىك زەرتحانالار، ولاردى مودەرنيزاتسيالاۋعا، وندا جاڭا نىساندار قۇرۋعا اقشا سالعانى وتە قىزىق جانە ناقتىلاۋدى قاجەت ەتەدى. بىراق ءبىز بۇل ماسەلەلەردى قازاقستانمەن مىندەتتى تۇردە شەشىپ، ۇقشۇ-دا ۇدەرىستى باستايمىز دەپ سەنەمىن. شەشىم ءپرينتسيپتى تۇردە قابىلداندى»، - دەدى ول.

رەسەي فەدەراتسياسىنىڭ سىرتقى ىستەر ءمينيسترى قازاقستان بۇۇ قاۋىپسىزدىك كەڭەسىندە بيولوگيالىق قارۋ تۋرالى كونۆەنتسيانىڭ ساقتالۋىن قاداعالايتىن اگەنتتىك قۇرۋدى ۇسىنعانىن اتاپ ءوتتى.

Abai.kz