ەۋرازيالىق ەكونوميكالىق كوميسسيا كەڭەسى جاڭا "ەۋرازيالىق اقپارات جانە ەسەپتەۋ ينفراقۇرىلىمى" مەملەكەتارالىق باعدارلاماسىن ازىرلەۋ تۋرالى شەشىم قابىلدادى.

ۇيىم سايتىنداعى مالىمەتكە قاراعاندا، وسىنداي شەشىم 17 ناۋرىزدا ەەك كەڭەسىنىڭ جينالىسىندا قابىلداندى. جينالىسقا قىرعىزستان ۇكىمەت باسشىسىنىڭ ءبىرىنشى ورىنباسارى ارزىبەك كوجوشەۆ توراعالىق ەتتى.

"سۋپەركومپيۋتەر تەحنيكالىق، ەكونوميكالىق دامۋعا قاجەتتى قۇرالعا اينالدى. الەمدە ەكونوميكاسى ىلگەرى ەلدەر ەسەپتەيدىڭ ەڭ جىلدام ءتۇرىن جاساۋدان جارىسىپ جاتىر. ەۋرازيالىق ەكونوميكالىق وداق كەڭىستىگىندە مۇنداي ازاماتتىق سۋپەركومپيۋتەرلىك ينفراقۇرىلىم جوق", - دەيدى ەەك وكىلى ارتاك كاماليان.

ەسكە سالايىق، رەسەي (ەاەو مۇشەسى) ۋكرايناعا باسىپ كىرگەلى بەرى تانىمال برەندتەر مەن ءىرى تەحنولوگيالىق كومپانيالار رەسەيمەن جۇمىس ىستەۋدەن باس تارتتى. ولاردىڭ اراسىندا Gogent, Lumen Tecnologies سەكىلدى ءىرى ينتەرنەت-پروۆايدەرلەر بار.

رەسەي بيلىگى ەلدەگى 100-دەن استام تاۋەلسىز اقپارات قۇرالدارىنىڭ سايتتارىن بۇعاتتادى. جاقىندا رەسەيلىك سوت Meta كورپوراتسياسىن ەكسترەميستىك ۇيىم دەپ تانىپ، ونىڭ Facebook پەن Instagram الەۋمەتتىك جەلىلەرىنە تىيىم سالدى.

سودان كەيىن رەسەي عالامدىق ينتەرنەتتەن كەتىپ، جەكە ينتەرنەتىنە كوشۋى مۇمكىن ەكەنى ايتىلا باستادى. رەسەي بۇعان بىرنەشە جىلدان بەرى دايىندالىپ ءجۇر. 2019 جىلعى قاراشادا رەسەيدە زايىرلى ينتەرنەت تۋرالى زاڭ كۇشىنە ەندى.

Abai.kz