كەشە قۇرىلىس بازارىندا بولدىم. شىنى كەرەك كوبىسى الدا نە بولارىن بىلمەي وتىر. قولدارىنداعى تاۋارلارى بىتۋدە. بىزدە كوپ زاتتار رەسەيدەن يمپورتتالاتىن. ءجاي تەرەزەنىڭ پلاستيگىنىڭ كوبىسى گەرمانيانىڭ، اۆستريانىڭ تەحنولوگياسى دەسە دە زاۆودتارى رەسەيدە بولاتىن. ولار كەتىپ قالدى. رەسەيدەن كەتپەگەن زاۆودتاردىڭ كوبىسىنىڭ شيكىزاتى وڭتۇستىك كورەيا، امەريكا، ەۋروپادان كەلەتىن. ازىرگە سكلادتارىنداعى تاۋارلارىن ساتىپ جاتىر. بىراق تسەپ ءۇزىلدى. زاۆودتارى توقتاۋدا. نە بولارى بەلگىسىز. 1991-دەگى كريزيس نە ءۇشىن باستالدى؟ كسرو ءوز ىشىندە ءوز وزىمەن تاۋار ءوندىرىپ وتىردى. سىرتتان ەشقانداي ەل ينۆەستيتسيا سالمادى. 91-دە اشىلعان ەدى. كسرو-نىڭ شىعارعان ونىمدەرى شەتەلدىڭ ونىمدەرىمەن باسەكەلەسە الماي قالدى. ناتيجەسىندە بارلىق زاۆود فابريكالارى جابىلدى. رەسەي قايتادان سول كسرو-نىڭ جولىن قۋىپ جاتىر.

كسرو-نىڭ كەزىندە 1 سوم 0.9 دوللار بولدى. تيپا سوم دوللاردان قىمبات. بىراق ادامدارعا دوللار ساتىلمادى. تەك ەكسپورتقا عانا رۇقسات ەتىلدى. قازىر رەسەي سونى قايتالاۋدا. دوللار ءجاي ادامدارعا ساتىلمايدى. سىرتقا شىعارىلمايدى. رەسەيدىڭ ميللياردەرى 1 ميلليارد دوللارىن الىپ كەتۋى ءۇشىن 8000 جىل ءومىر ءسۇرۋ كەرەك. ءدال قازىر رەسەي مىنا تەمپپەن ءرۋبلدى 60-قا ءتۇسىرىپ تاستاۋى دا مۇمكىن. ونداي كەزدە تەڭگە دە كۇشىنە مىنەدى. 1 دوللار 360-380 تەڭگە بولۋى مۇمكىن. الدە كەرىسىنشە دوللار 110-120 رۋبل بولسا دا تاڭ قالمايمىز. وشىم دوللاردىڭ قۇنىن نارىق ەمەس تسەنتر بانك بەلگىلەيدى.

قازىر رەسەيدىڭ شەتەلدەگى اكتيۆتارى بۇعاتتالدى. بۇل تەك مەملەكەت ەمەس ءجاي ادامدارىنا دا قاتىستى. سىرتتاعى قىمبات ۆيللا، ياحتالارىن الىپ قويدى. بۇل نارسە كوپ ەلگە ساباق بولدى دەپ ويلايمىن. اسىرەسە ءبىزدىڭ جوعارىداعى شەنەۋىكتەرگە. ولاردىڭ كوبىسىنىڭ بالالارى قازاقشا تۇرماق ورىسشا دا بىلمەيدى. پالەن جىلدان بەرى لوندوندا، سينگاپۋردا، دۋبايدا تۇراتىن. مۇنداعى حالىقتىڭ اۋزىنان جىرىپ، شەتەلگە تاسىعان دۇنيەڭدى باسقالار يەمدەنىپ الۋى مۇمكىن ەكەن. پارانى دوللارمەن الساڭدار دا، اقشالارىڭدى وسىندا تىعىڭدار قۇرمەتسىز جەمقورلار.

ءسابيت رىسباەۆ

Abai.kz