ەلپەڭ قاعىپ ءجۇرىپ ەگەمەندىكتىڭ قادىرىن بىلمەي قالعان جوقپىز با؟
ينتەگراتسيا دەگەن كەرەك. ايتسە دە ەلدىڭ الدىنا ءتۇسىپ، ەمىنە بەرگەننەن نە پايدا؟ ءوز ەركىمىزبەن «ءوز ەركىمىزدەن» ايىرىلامىز با؟..سۇراق كوپ.
قانداي جاعداي بولسا دا ءبىرىنشى كە­زەكتە مەملەكەت مۇددەسى دەگەن ماسەلە تۇرۋى كەرەك. بۇگىنشىل بولۋ ءبىر باسقا، ەرتەڭشىل بولۋدى نەگە ويلاماسقا؟
ۋكراينا مەملەكەتىنىڭ دامۋ جولىنا ۇڭىلە قاراساڭىز قاي جاعىنان بولسىن: مەيلى ول مەملەكەتتىك قىزمەتشىلەر تاراپىنان بولا ما، بولماسا وپپوزيتسيا تاراپىنان بولا ما، ماسەلە - ايقىن; ۋكراين حالقى مەن مەملەكەتىنىڭ مۇددەسى بىرگە قابىسقان، ياعني ماسەلەنىڭ باسىن اشىپ العان. ماسەلەن، «باتكيۆششينا» پارتياسىنىڭ جەتەكشىسى ارسەني ياتسەنيۋك رەسەيمەن اراداعى قارىم-قاتىناستا ۋكراينا ءۇش ماسەلەگە «جوق» دەپ ايتا الادى. ءبىرىنشى - ورىس ءتىلىنىڭ مارتەبەسى تۋرالى ماسەلەدە رەسەيدىڭ ىعىنا جۇرە المايمىز. ەكىنشى - كەدەن­دىك وداق تۋرالى ءسوز بولۋى مۇمكىن ەمەس. ءۇشىنشى - اسكەري بلوك قۇرۋدان باس تارتامىز» - دەدى.
- ورىس ارىپتەستەرىمىزبەن كەز كەلگەن ماسەلەدە سويلەسۋگە نيەتتىمىز، - دەدى ول. - الايدا كەدەندىك وداققا، اسكەري بلوكقا، ورىس ءتىلىنىڭ ەكىنشى مەملەكەتتىك ءتىل بولۋىنا - ءبىز «جوق، بۇلاي بولمايدى» دەپ اشىق ايتامىز.

ەلپەڭ قاعىپ ءجۇرىپ ەگەمەندىكتىڭ قادىرىن بىلمەي قالعان جوقپىز با؟
ينتەگراتسيا دەگەن كەرەك. ايتسە دە ەلدىڭ الدىنا ءتۇسىپ، ەمىنە بەرگەننەن نە پايدا؟ ءوز ەركىمىزبەن «ءوز ەركىمىزدەن» ايىرىلامىز با؟..سۇراق كوپ.
قانداي جاعداي بولسا دا ءبىرىنشى كە­زەكتە مەملەكەت مۇددەسى دەگەن ماسەلە تۇرۋى كەرەك. بۇگىنشىل بولۋ ءبىر باسقا، ەرتەڭشىل بولۋدى نەگە ويلاماسقا؟
ۋكراينا مەملەكەتىنىڭ دامۋ جولىنا ۇڭىلە قاراساڭىز قاي جاعىنان بولسىن: مەيلى ول مەملەكەتتىك قىزمەتشىلەر تاراپىنان بولا ما، بولماسا وپپوزيتسيا تاراپىنان بولا ما، ماسەلە - ايقىن; ۋكراين حالقى مەن مەملەكەتىنىڭ مۇددەسى بىرگە قابىسقان، ياعني ماسەلەنىڭ باسىن اشىپ العان. ماسەلەن، «باتكيۆششينا» پارتياسىنىڭ جەتەكشىسى ارسەني ياتسەنيۋك رەسەيمەن اراداعى قارىم-قاتىناستا ۋكراينا ءۇش ماسەلەگە «جوق» دەپ ايتا الادى. ءبىرىنشى - ورىس ءتىلىنىڭ مارتەبەسى تۋرالى ماسەلەدە رەسەيدىڭ ىعىنا جۇرە المايمىز. ەكىنشى - كەدەن­دىك وداق تۋرالى ءسوز بولۋى مۇمكىن ەمەس. ءۇشىنشى - اسكەري بلوك قۇرۋدان باس تارتامىز» - دەدى.
- ورىس ارىپتەستەرىمىزبەن كەز كەلگەن ماسەلەدە سويلەسۋگە نيەتتىمىز، - دەدى ول. - الايدا كەدەندىك وداققا، اسكەري بلوكقا، ورىس ءتىلىنىڭ ەكىنشى مەملەكەتتىك ءتىل بولۋىنا - ءبىز «جوق، بۇلاي بولمايدى» دەپ اشىق ايتامىز.
ۋكراينانىڭ ورىسشىل دەگەن پرەزي­دەنتى ۆيكتور يانۋكوۆيچتىڭ ءوزى: - «مى يششەم سۆويۋ دوروگۋ ك سووبششەستۆۋ رازۆي­تىح گوسۋدارستۆ، نو ينتەگراتسيا ليۋبوي تسەنوي زا سچەت ۋتراتى نەزاۆيسيموستي، ەكونوميچەسكيح يلي تەرريتوريالنىح ۋستۋپوك، زا سچەت رازرەشەنيا ۆمەشي­ۆاتسيا ۆو ۆنۋترەننيە دەلا - تاكوي پۋت مى نيكوگدا نە ۆوسپرينيمالي ي نە ۆوسپري­مەم»، - دەپ اشىق ايتىپ وتىر.
اتاسى ءبىر اعايىن حالىقتىڭ ءوزى وسىن­داي سوزدەردى ايتىپ جاتىر.
ەلباسى تۇركياعا بارعان ساپارىندا وتارشىل ەلدىڭ كەيىنگى 150 جىلدا ءبىزدىڭ ءتىلىمىز بەن دىنىمىزدەن، سالت-ءداستۇرى­مىز­دەن ايىرعانىن ايتقاندا، توبەسى كوككە ەكى ەلى جەتپەي قالعان تۇركى بالاسى از شىعار.
كەدەندىك وداق، ەۋرازيالىق وداق دەگەندەر - ەكونوميكالىق وداقتاسۋ دەپ كەلدىك. قازىر رەسەي ساياساتكەرلەرى «ەۋ­را­­زيالىق پارلامەنت قۇرۋ كەرەك» دەگەندى ءجيى ايتا باستادى. ساياسي وداق ەلگە قار­سى تارتىلعان ساياسي ساداق ەمەس پە؟
ودان قورعانار قالقان قانداي؟ قاۋقار قانداي؟
ءبىز دە اندا-ساندا بولسا دا «جوق» دەپ ايتا الامىز با؟ ەڭ بولماسا ءبىر ءما­سەلەدە: ەل مەن ەگەمەندىك ەسەبىنەن جا­سالا­تىن كەلىسىم اتاۋلىنىڭ بارلىعىنا «قازاق مەملەكەتىنىڭ مۇددەسىنە قايشى كەلسە - قارسىمىز» دەپ...
ايداعانعا كونگىمىز كەلمەسە ايتا الا­تىن سياقتىمىز...

ن.نارجان

"ايقىن" گازەتى