جۋرناليست لۇقپان احمەدياروۆ ءوزىنىڭ فەيسبۋك پاراقشاسىنا رەسەي اسكەري تەحنيكاسىنىڭ ۆيدەوسىن جاريالاپ، ۆيدەونىڭ باتىس قازاقستاندا تۇسىرىلگەنىن ايتتى. 

"بۇل ۆيدەو ەكى كۇن بۇرىن بقو، بوكەيوردا اۋدانى، ماسين اۋىلىندا تۇسىرىلگەن. رەسەيلىك اسكەريلەر قازاقستان اۋماعىنا كىرىپ، ماگازيننەن كەرەك زاتتارىن الىپ، تۋلارىن جەلبىرەتىپ قايتا شىعىپ كەتكەن. قر ۇقك شەكارا قىزمەتى سەندەر ايلىقتى نە ءۇشىن الىپ وتىرسىڭدار؟ @tokayev_online ءبىز ىسزگە ايلىقتى پرەزيدەنت رەتىندە تولەپ وتىرمىز، ءسىز ءوز قىزمەتىڭىزدى اتقارسىن دەپ تاڭدادىق. بۇل ءسىزدىڭ تىكەلەي جۇمىسىڭىز! بىزدە شەكارا نە ءۇشىن تۇر؟ ال ءسىز قازاقستان رەسپۋبليكاسىنىڭ اۋماقتىق تۇتاستىعىنىڭ كەپىلدىگى رەتىندە وتىرسىز. ءپۋتيننىڭ ۋكراينادا باسقىنشى سوعىس باستاعانىنا بايلانىستى مەن رەسەيلىك اسكەردى مۇلدە قازاقستان اۋماعىندا كورگىم كەلمەيدى. ال ءبىزدىڭ اۋماعىمىزعا اراق ساتىپ الۋ ءۇشىن كىرگەن ارەكەتتەرىن مەن ەلىمىزدى سىيلاماۋ دەپ بىلەمىن", - دەپ جازدى ول.

ۆيدەوعا قاتىستى ارنايى ورگاندار ءالى تۇسىنىكتەمە بەرگەن جوق.

Abai.kz