Журналист Лұқпан Ахмедияров өзінің Фейсбук парақшасына Ресей әскери техникасының видеосын жариялап, видеоның Батыс Қазақстанда түсірілгенін айтты. 

"Бұл видео екі күн бұрын БҚО, Бөкейорда ауданы, Масин ауылында түсірілген. Ресейлік әскерилер Қазақстан аумағына кіріп, магазиннен керек заттарын алып, туларын желбіретіп қайта шығып кеткен. ҚР ҰҚК шекара қызметі сендер айлықты не үшін алып отырсыңдар? @tokayev_online біз ісзге айлықты президент ретінде төлеп отырмыз, сіз өз қызметіңізді атқарсын деп таңдадық. Бұл сіздің тікелей жұмысыңыз! Бізде шекара не үшін тұр? Ал сіз Қазақстан Республикасының аумақтық тұтастығының кепілдігі ретінде отырсыз. Путиннің Украинада басқыншы соғыс бастағанына байланысты мен ресейлік әскерді мүлде Қазақстан аумағында көргім келмейді. Ал біздің аумағымызға арақ сатып алу үшін кірген әрекеттерін мен елімізді сыйламау деп білемін", - деп жазды ол.

Видеоға қатысты арнайы органдар әлі түсініктеме берген жоқ.

Abai.kz