رەسەي قىرعىزستانعا BSL-3 دەڭگەيلى بيولوگيالىق زەرتحانا سالۋ جونىندە ۇسىنىس ءبىلدىردى. بىراق ازىرگە قىرعىز بيلىگى بۇل جوبانى جۇزەگە اسىرۋدان باس تارتىپ وتىر.

بۇل جونىندە قىرعىزستاننىڭ دەنساۋلىق ساقتاۋ مينيسترلىگى حابارلادى. مەكەمە اقپاراتىنا سايكەس، بۇل ماسەلە 14 ساۋىردە ماسكەۋدە وتكەن ەكى ەلدىڭ ۇكىمەتارالىق وتىرىسىندا تالقىلانعان.

ەكى ەلدىڭ دەنساۋلىق ساقتاۋ مينيسترلىگى مەديتسينا مەن عىلىم سالاسىن دامىتۋدا ارىپتەستىك ورناتۋعا كەلىسكەن.

2008 جىلى قىرعىزستاندا قاۋىپسىزدىكتىڭ ءۇشىنشى ساتىسىنداعى بيوزەرتحانا قۇرۋ جونىندە ءسوز بولعان. تىپتەن كانادا ۇكىمەتىمەن ەكىجاقتى كەلىسسوزگە كەلگەن. بىشكەكتىڭ بوتانيكالىق باعىنان زەرتحانانىڭ سالىنۋ ورنى دا بەلگىلەنگەن.

بىراق قوعام تاراپىنان نارازىلىق تۋىنداپ، سول كۇيى بۇل جوبا جۇزەگە اسپاي قالعان. نەگىزى قاۋىپسىزدىكتىڭ ءتورت دەڭگەيى بار. BSL-3 دەڭگەيلى دەگەنىمىز، II توپتاعى دەرتتى تۋىنداتۋشىلاردى زەرتتەيتىن زەرتحانا.

Abai.kz