الماتى وبلىسىنىڭ ىشكى ىستەر دەپارتامەنتى جانە قر ءىىم الماتى اكادەمياسى مەن ىلە اۋداندىق ءبىلىم باسقارماسىنىڭ اراسىندا ءوزارا ىنتىماقتاستىق جونىندەگى مەموراندۋمعا قول قويىلىپ، كادەت بالالارعا الماتى اكادەمياسىنىڭ تاجىريبەسىن كورسەتتى.

ءبىر توپ جاس كادەتتەر الماتى اكادەمياسىنا "اشىق ەسىك" كۇنىنە كەلىپ، كۋرسانتتاردىڭ تۇرمىس—تىرشىلىگىمەن، وقۋ اۋديتوريالارىمەن تانىستى. ونىڭ ىشىندە اكادەميادا وقىتاتىن قازىرگى قوعامعا كەرەكتى IT-مامانداردى وقىتاتىن ارنايى اۋديتوريامەن جانە ەلىمىزگە تانىمال گەنەرالداردىڭ اتىنداعى ءدارىسحانا، تاعى سول سياقتى بىرنەشە اۋديتوريالارمەن تانىسىپ، تاماشالادى.

سونداي-اق، وقۋ ورنىنداعى ءارتۇرلى جاتتىعۋ الاڭدارىندا بولىپ، قارۋ-جاراق تۇرلەرىمەن تانىس بولدى. ولار كۋرسانتتاردىڭ جاتىن بولمەلەرى كازارمانى ارالاپ، اسحانادان  ءدام تاتتى.

سپورت زالىندا جاۋىنگەرلىك تاسىلدەرمەن سامبو شەبەرلەرىنىڭ ونەرىن تاماشالاپ، ءوز قىزىعۋشىلىقتارىن دا ءبىلدىردى.

ەكسكۋرسيا سوڭىندا اكادەميا تىڭداۋشىلارىمەن بىرگە ساپ تۇزەپ، الاڭنان ءجۇرىپ ءوتتى. بۇل دا ءبىر ادەمى كورىنىس بولدى.

ماعجان جۇماباەۆتىڭ “مەن جاستارعا سەنەمىن"-دەگەن قاناتتى سوزىمەن ايتقاندا ءاربىر جاس جۇرەك ازامات ءوزىنىڭ تۋعان وتانى – قازاقستانىن جانىنداي ءسۇيىپ، تانىپ، وعان تابىنىپ ءوسۋى قاجەت. سوندا عانا جاس ۇرپاق بويىندا پاتريوتتىق سەزىم ۇيالاپ، كەلەشەگىمىز كەمەلدەنە تۇسەتىنى انىق.

Abai.kz