ءماجىلىس دەپۋتاتتارى قارجى پيراميدالارىن جارنامالايتىندارعا قىلمىستىق جاۋاپكەرشىلىك جۇكتەيتىن زاڭ جوباسىن ازىرلەدى. بۇل تۋرالى ءماجىلىس سپيكەرى ەرلان قوشانوۆ ايتتى.

ء"بىز تاياۋدا عانا قايعىلى وقيعاعا كۋا بولدىق. قارجى پيراميدالارى بۇكىل ايماقتىڭ باس اۋرۋىنا اينالدى. تانىمال ۆاينەرلەر، ارتىستەر، قوعامدا بەدەلى بار ادامدار جارناما جاساعان سوڭ حالىق ولارعا سەنىپ قالادى. ادامدار قالتاسىنداعى سوڭعى تيىنىن اپارىپ بەرەدى. ناتيجەسىن كورىپ وتىرمىز. سوندىقتان ءبىز بۇگىن دەپۋتات لي يۋري ءۆيسساريونوۆيچتىڭ باسشىلىعىمەن زاڭ جوباسىن ازىرلەدىك»، - دەدى قوشانوۆ.

ونىڭ ويىنشا، زاڭ جوباسى بيىل قابىلدانادى.

ء"بىز ۆاينەرلەردىڭ، قارجى پيراميدالارىن جارنامالايتىن ارتىستەردىڭ ارەكەتتەرى ءۇشىن قىلمىستىق جاۋاپكەرشىلىك بەلگىلەيمىز", - دەدى سپيكەر.

بۇعان دەيىن قارجى مونيتورينگى اگەنتتىگىندە Qnet كومپانياسىنىڭ قارجى پيراميداسىنىڭ باسشىلارىنا قاتىستى تەرگەۋدىڭ باستالعانى تۋرالى حابارلانعان ەدى. 20 ساۋىردە ۆاينەرلەر مەيىرجان تورەباەۆ پەن مەيىرحان شەرنيازوۆ الماتىداعى Mudarabah Capital قارجى پيراميداسى تۋرالى ءىس بويىنشا قاماۋعا الىنعان بولاتىن

Abai.kz