قاسىرەتتى قاڭتاردان كەيىن وتستاۆكاعا جىبەرىلگەن الماتىنىڭ بۇرىنعى اكىمى باقىتجان ساعىنتاەۆ قازاقستاننىڭ رەسەيدەگى ەلشىسى بولىپ تاعايىندالادى دەگەن حابار شىقتى. بۇل تۋرالى Abzhan news ارناسى جازادى. 

«باقىتجان ساعىنتاەۆ رەسەي فەدەراتسياسىنداعى ەلشى بولىپ تاعايىندالادى دەپ كۇتىلۋدە»، - دەلىنگەن حابارلامادا.

بۇعان دەيىن، الماتىنىڭ ەكس-اكىمى ەۋرازيالىق ەكونوميكالىق كوميسسياداعى رۋسلان بەكەتاەۆتى الماستىرادى دەگەن اقپارات تاراعان بولاتىن.

ەسكە سالساق، بۇعان دەيىن الماتى تۇرعىندارى الماتى اكىمى ساعىنتاەۆتىڭ وتستاۆكاعا كەتۋىن تالاپ ەتكەن پەتيتسيا جارىققا شىعىپ، 20 مىڭنان استام قول جينادى. جەلىدە الماتى قالاسىنىڭ اكىمى باقىتجان ساعىنتاەۆتىڭ وتستاۆكاعا كەتىپ، ورنىنا بەيبىت اتامقۇلوۆتىڭ كەلە جاتقانى تۋرالى حابارلاما تارادى. الماتى اكىمدىگى بۇل اقپاراتتى جوققا شىعارعان بولاتىن.

31 قاڭتار كۇنى قازاقستان پرەزيدەنتى ساعىنتاەۆتى وتستاۆكاعا جىبەرىپ، ورنىنا ەربولات دوساەۆتى تاعايىندادى.

Abai.kz