الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ قاڭتار وقيعاسى بويىنشا كۇدىكتى دەپ تانىلدى.

"قازىرگى ۋاقىتتا قىلمىستىق كودەكستىڭ 370-بابى 4-بولىگى 1-تارماعى "اۋىر زارداپتارعا الىپ كەلگەن قىزمەتتەگi ارەكەتسiزدiك" بويىنشا تىركەلىپ، سەرىك مىرزاقۇلۇلى كۇدەباەۆ كۇدىكتى دەپ تانىلعان وبلىستىق پد لاۋازىمدى تۇلعالارىنا قاتىستى قىلمىستىق ءىستى تەرگەۋ جالعاسىپ جاتقانىن حابارلايمىز", - دەدى باس پروكۋراتۋرا.

ۆەدومستۆو مالىمەتىنشە، قىجك-نىڭ 201-بابىنا سايكەس سوتالدى تەرگەپ-تەكسەرۋ دەرەكتەرى جاريا ەتۋگە جاتپايدى، "سوعان بايلانىستى قويىلعان سۇراقتارعا تولىق جاۋاپ بەرۋ مۇمكىن ەمەس".

الماتى وبلىسى پوليتسيا دەپارتامەنتىن باسقارعان گەنەرال-مايور سەرىك كۇدەباەۆ 18 اقپاندا قىزمەتىنەن بوساتىلعان.

Abai.kz