«روپ وپەراتورى» قىزمەتكەرلەرىنىڭ ۇستىنەن قىلمىستىق ءىس قوزعاعان قۇزىرلى ورگاندار ونىڭ باسشىسى ءاليا نازارباەۆاعا قاتىستى كوپتەگەن بۇلتارتپاس دايەكتەر جيناپ قويعان.

«ەلباسى» تۋرالى قازىرگى زاڭ ءاليانى سوتتاۋعا مۇمكىندىك بەرمەي وتىر. ەگەر 5 ماۋسىم كۇنى رەفەرەندۋم ءساتتى ءوتىپ، كونستيتۋتسياعا وزگەرىس ەنگىزىلسە، وندا «ەلباسى» تۋرالى زاڭنىڭ كۇشى جويىلادى. سول كەزدە نازارباەۆتىڭ قىزدارى مەن سارا الپىسقىزىن جاۋاپقا تارتۋدىڭ زاڭدى نەگىزى پايدا بولادى»، - دەپ جازدى «Dala ينسايد» تەلەگرام ارناسى.

بۇرىنعى پرەزيدەنت نۇرسۇلتان نازارباەۆتىڭ قىزى ءاليا نازارباەۆاعا قاتىسى بار دەگەن «وكم وپەراتورى» ۋتيلالىم كومپانياسى «قاڭتار وقيعاسىنان» كەيىن ۇكىمەتتىك ۇيىمعا بەرىلگەن بولاتىن. بۇل تۋرالى قازاقستان پرەمەر-ءمينيسترىنىڭ سايتىندا حابارلاندى.

«وكم وپەراتورى» كومپانياسىنىڭ كادەگە جاراتۋ الىمىن اكىمشىلەندىرۋ جانە ءتيىستى قۇرالدارعا بيلىك ەتۋ بولىگىندەگى قىزمەتى توقتاتىلدى. ۋتيلالىم قاراجاتى ەسەبىنەن قۇرىلعان اكتيۆتەر مەملەكەت مەنشىگىنە بەرىلدى. وندىرۋشىلەردىڭ كەڭەيتىلگەن مىندەتتەمەلەرىن اكىمشىلەندىرۋ فۋنكتسيالارىن ورىنداۋ «جاسىل دامۋ» كومپانياسىنا بەرىلدى»، - دەلىنگەن حابارلامادا.

2015 جىلى قازاقستان ۇكىمەتىنىڭ قاۋلىسىمەن قۇرىلعان «وكم وپەراتورى» كومپانياسىنىڭ مىندەتىنە «ەسەپتەن شىعارىلعان اۆتوموبيلدەردىڭ بولشەكتەرى مەن مايلارىن، ونەركاسىپتىك قاپتامالاردى، كابەلدەر مەن باسقا ماتەريالداردى وڭدەۋ» كىرگەن.

كومپانيانىڭ 2016 جىلدان باستاپ ۋتيلالىمنان تاپقان تابىسى 691,9 ميلليارد تەڭگەنى قۇراعان. قوعام بەلسەندىلەرى ەلىمىزدە ۋتيلالىمنىڭ باعاسى شارىقتاپ كەتكەنىن ءارى كومپانيانىڭ تابىسى تۋرالى اشىق دەرەكتەر جوعىن ايتتى. وسىدان كەيىن ۇكىمەت ۋتيلالىمدى 50 پايىزعا تومەندەتۋگە كەلىستى. جاڭا مولشەرلەمەگە سايكەس، جەڭىل اۆتوكولىكتەر ءۇشىن ۋتيلالىم مولشەرى 229 مىڭ تەڭگەدەن 1 ميلليون 761 مىڭ تەڭگەگە دەيىن قۇرايدى. بەلسەندىلەر اۆتوموبيلدەرگە ۋتيلالىم مولشەرى قوزعالتقىشتىڭ قۋاتىنا بايلانىستى 50-100 مىڭ تەڭگەدەن اسپاۋى كەرەك ەكەنىن ايتادى.

ال، 10 قاڭتاردا «وكم وپەراتورىنىڭ» العاشقى قۇرىلتايشىسى ءاليا نازارباەۆانىڭ وسى ۋاقىتقا دەيىن قازاقستاننان 300 ميلليون دوللوردان اسا قارجىنى شەتەلگە الىپ كەتكەنى جانە جەكە ۇشاق پەن لوندوننان ءۇي ساتىپ العانى تۋرالى اقپارات شىقتى.

بۇل تۋرالى جازعان «The Telegraph» باسىلىمى: «ونىڭ ەلدەن الىپ كەتكەن اقشاسى «زاڭسىز ەكەنىنە دالەل جوق» ەكەنىن، الايدا اتىن اتاماۋدى ءجون كورگەن سۇحبات بەرۋشىلەر شەتەلگە اقشا الىپ كەتۋ جولدارىن «كۇماندى» دەپ سيپاتتادى»، - دەدى.

كۇمان تۋعىزار جايتتار ءالى دە از ەمەس. ەلىمىزدىڭ سىبايلاس جەمقورلىققا قارسى قىزمەتى بۇرىنعى «وكم وپەراتورى» كومپانياسىنىڭ ۇستىنەن «قارجى ۇرلاۋ فاكتىلەرى» بويىنشا تەرگەۋ جۇرگىزىپ جاتىر. كومپانيانىڭ بۇرىنعى قىزمەتكەرلەرى تەرگەۋ يزولياتورىنا الىندى، ولاردىڭ كەيبىرەۋلەرى ءتىپتى توپ-مەنەدجەرلەردىڭ قاتارىنا كىرمەيدى ەكەن.

26 قاڭتاردا سىبايلاس جەمقورلىققا قارسى قىزمەت ەكولوگيا ۆيتسە-ءمينيسترى احمەتجان پىرىمقۇلوۆ پەن «وكم وپەراتورى» باسقارما توراعاسى مەدەت قۇمارعاليەۆتىڭ سىبايلاس جەمقورلىققا كۇدىكتى رەتىندە تۇتقىندالعانى تۋرالى حابارلادى. ەكەۋى دە ەلدەن كەتپەك بولعان كەزدە ۇستالعان. سول كۇنى نۇر-سۇلتاندا «وكم وپەراتورى» كومپانياسىنىڭ قۇقىقتىق ماسەلەلەر جونىندەگى باسقارۋشى ديرەكتورى رۋسلان شامشيەۆتىڭ قايتىس بولعانى بەلگىلى بولدى.

11 ناۋرىزدا «وكم وپەراتورى» كومپانياسىنىڭ بۇرىنعى باس ديرەكتورى سۆەتلانا كوروتەنكو دا قاماۋعا الىندى.

«قر سىبايلاس جەمقورلىققا قارسى قىزمەتى «وكم وپەراتورى» جشس بۇرىنعى باس ديرەكتورىنا قاتىستى 2016-2021 جىلدار ارالىعىندا كولىك قۇرالدارىن كادەگە جاراتۋدىڭ جوعارى قۇنىن بەلگىلەۋ ارقىلى كاسىپورىننىڭ 20 ملرد تەڭگەدەن استام  اقشالاي قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى باستادى»، - دەپ حابارلادى سىبايلاس جەمقورلىققا قارسى قىزمەت.

وسىندايدا «وكم وپەراتورىنىڭ» قىزمەتكەرلەرى ۇستالسا دا، ونىڭ العاشقى قۇرىلايشىسى ءاليا نازارباەۆانىڭ ۇستىنەن تەرگەۋ جۇمىسى جۇرگىزىلمەي مە جانە ونىڭ قازاقستاننان الىپ كەتتى دەلىنگەن 300 ميلليون دوللورىنىڭ اق-قاراسى قاشان اجىراتىلادى دەگەن زاڭدى سۇراق تۋادى.

Abai.kz