بىلەسىزدەر، قولدانىستاعى قر كونستيتۋتسياسىنىڭ پرەامبۋلاسى:

«بiز، ورتاق تاريحي تاعدىر بiرiكتiرگەن قازاقستان حالقى، بايىرعى قازاق جەرiندە مەملەكەتتiلiك قۇرا وتىرىپ، ءوزiمiزدi ەركiندiك، تەڭدiك جانە تاتۋلىق مۇراتتارىنا بەرiلگەن بەيبiتشiل ازاماتتىق قوعام دەپ ۇعىنا وتىرىپ، دۇنيەجۇزiلiك قوعامداستىقتا لايىقتى ورىن الۋدى تiلەي وتىرىپ، قازiرگi جانە بولاشاق ۇرپاقتار الدىنداعى جوعارى جاۋاپكەرشiلiگiمiزدi سەزiنە وتىرىپ، ءوزiمiزدiڭ ەگەمەندiك قۇقىعىمىزدى نەگiزگە الا وتىرىپ وسى كونستيتۋتسيانى قابىلدايمىز»، دەپ باستالادى.

ال ەندى كونستيتۋتسيانىڭ وسى كىرىسپەسىندە مەملەكەتتى قۇرۋشى قازاق حالقىنىڭ كەلبەتى بار ما، جوق پا؟ مەنشە بولعاندا – جوق. ويتكەنى بۇل كونستيتۋتسيانى «ورتاق تاريحي تاعدىر بiرiكتiرگەن قازاقستان حالقى» قابىلداپ وتىر. سوندا قالاي بولعانى؟ سوندا «ورتاق تاريحي تاعدىر بiرiكتiرگەن» حالىقتار جان-جاقتان جينالىپ، «بايىرعى قازاق جەرiندە مەملەكەتتiلiك» قۇرعان با؟ بايىرعى قازاق جەرى ورتاق تاريحي تاعدىر بىرىكتىرگەن حالىقتار باس قۇراعاندا بوس جاتقان با؟ بۇل جەرى ءوزى بايىرعى قازاق جەرى بولسا، ونىڭ يەسى قايدا؟ الدە يەسى يت ءمىنىپ، يرەك قامشىلاپ ءبىر جاققا كەتىپ قالعان با؟ شەراعاڭنىڭ شيىرۋىنا سالىپ ايتساق، مىنە، ماسەلە قايدا جاتىر؟ «ورتاق تاريحي تاعدىر بiرiكتiرگەن قازاقستان حالقى، بايىرعى قازاق جەرiندە مەملەكەتتiلiك قۇرىپ» العانىنا كوزدەرى ابدەن جەتكەن سوڭ، وتكەن وتىز جىلدىڭ شيرەگىندە بيلىك بەتىن سىلاپ-سيپاپ، «ەل ىشىندەگى بۇزاقىلىق» دەپ باعالاعانىمەن، ارجاعىندا ۇلتارالىق-الەۋمەتتىك تەڭسىزدىكتەردى تۋدىرعان باپانداي سالماعى بار ماسەلەلەر باس كوتەردى. ءبىز بۇگىن رەفەرەندۋم قارساڭىندا وسىنداي-وسىنداي جايتتاردى تالقى تەزىنە سالىپ الۋىمىز كەرەك.

ءبىر عانا ۇلتتان تۇراتىن مەملەكەتتەر قازىر ىلۋدە ءبىر. ءبىز دە جان-جاقتان تاعدىر جەتەلەپ كەلگەن جانداردى جاتىرقاي بەرمەيمىز. ولاردىڭ بەرەكەگە ۇيىپ، بەيبىتقاتار ءومىر سۇرگەنىن قالايمىز. ايتسە دە، الداعى كۇندەرى قابىلداناتىن اتا زاڭنىڭ كىرىسىپەسى: «بiز، قازاق ۇلتى، بايىرعى قازاق جەرiندە مەملەكەتتiلiك قۇرا وتىرىپ، ورتاق تاريحي تاعدىر بiرiكتiرگەن دياسپورا وكىلدەرىمەن بىرگە...» دەپ كەلىپ، بۇرىنعى ءماتىننىڭ ارى قاراي جالعاسقانى ءجون.

ءيا، كونستيتۋتسيامىزدى وزگەرتەمىز دەپ ىسكە كىرىسكەن ەكەنبىز، ەندەشە كىرىسۋدى كىرىسپەسوزدەن باستاۋ كەرەك سياقتى. بۇعان قالاي قارايسىزدار؟

پىسى: كوكتىڭ 1 كۇنگى ەسەپ بويىنشا، جان سانىمىز 19 ميلليون 178 مىڭ 8 ءجۇز بولدى. ال وسىنىڭ 70 پايىزى قازاق ەكەنى الدىمەن تاڭىرگە، سوسىن قازاقتىڭ قارالداسىن جاسىرىپ وتىرعان بيلىككە ءمالىم.

داۋرەن قۋات

Abai.kz