«AMANAT» پارتياسىنىڭ اتقارۋشى حاتشىسى اسحات ورالوۆ اتىراۋ وبلىسىندا مۇناي ءوندىرۋ كاسىپورنىنىڭ ۇجىمىمەن، بالىق شارۋاشىلىعى سالاسىنىڭ كاسىپكەرلەرىمەن، جاستارمەن جانە پارتيا اكتيۆىمەن بىرقاتار كەزدەسۋ وتكىزدى.

اسحات ورالوۆ يساتاي اۋدانىنداعى مۇناي ءوندىرۋشى كاسىپورىنداردىڭ ءبىرىنىڭ ۇجىمىمەن كەزدەسىپ، كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى الداعى رەفەرەندۋمنىڭ ماڭىزىن تالقىلادى. ول الداعى رەفورمالار ءاربىر ازاماتقا قاتىستى ەكەنىن، سوندىقتان اركىم رەفەرەندۋمعا قاتىسىپ، ەلدىڭ ودان ءارى دامۋىنا ءوز ۇلەسىن قوسۋى ءتيىس ەكەنىن اتاپ ءوتتى.

«كونستيتۋتسيا 1995 جىلى قابىلداندى، سودان بەرى وزگەرىستەر پارلامەنت ارقىلى ەنگىزىلدى. پرەزيدەنت حالىققا جولداۋىندا اۋقىمدى ساياسي رەفورمالار باعىتىن جاريالادى جانە ولاردى قابىلداۋدىڭ ايرىقشا قۇزىرەتىن حالىققا ۇسىندى. سوندىقتان 5 ماۋسىمدا ءبارىمىز داۋىس بەرۋگە قاتىسىپ، ازاماتتىق بورىشىمىزدى ورىنداۋىمىز كەرەك»، دەدى اسحات ورالوۆ.

كەزدەسۋ بارىسىندا اۋدان مۇنايشىلارى رەفەرەندۋم وتكىزۋ قاجەتتىلىگىن قولداپ، بىرقاتار تۇيىتكىلدى ماسەلەلەردى دە العا تارتتى. اتاپ ايتقاندا، اتىراۋ-استراحان اۆتوجولىن جوندەۋ جۇمىستارىنىڭ ۇزاققا سوزىلۋى، جايىق وزەنى جاعدايىنىڭ ناشارلاۋى سياقتى ماسەلەلەر كوتەرىلدى.

ءوز كەزەگىندە، اۋدان جاستارىنىڭ ءبىرى ارىستانبەك عازيزوۆ رەفەرەندۋم ءاربىر ازاماتتىڭ پىكىرىن ەسكەرۋگە مۇمكىندىك بەرەتىنىن اتاپ ءوتتى.

«ءبىزدىڭ مۇنايلى ولكەنىڭ جاستارى مەملەكەت باسشىسى قاسىم-جومارت توقاەۆتىڭ باستامالارىن تولىق قولدايدى جانە مەن بارلىق جاستار 5 ماۋسىمدا سايلاۋ ۋچاسكەلەرىنە كەلىپ، ازاماتتىق ۇستانىمىن كورسەتەتىنىنە سەنىمدىمىن»، دەدى ارىستانبەك عازيزوۆ.

بۇدان سوڭ پارتيانىڭ اتقارۋشى حاتشىسى بالىق شارۋاشىلىعى سەكتورىنىڭ كاسىپكەرلەرىمەن كەزدەسىپ، سالانى دامىتۋدىڭ بولاشاعى مەن رەفەرەندۋمعا قويىلعان اتا زاڭعا وزگەرىستەر مەن تولىقتىرۋلار ەنگىزۋدىڭ ماڭىزدىلىعىن تالقىلادى. بۇگىنگى تاڭدا جايىق-كاسپي باسسەينىندە كاسىپتىك بالىق اۋلاۋمەن اينالىساتىن 18 ءىرى كاسىپورىن جۇمىس ىستەيدى. جالپى، بۇل سالادا 20 مىڭعا جۋىق ادام جۇمىسپەن قامتىلعان.

«زاڭدارعا رەفەرەندۋم ارقىلى وزگەرىس ەنگىزۋ بيلىكتىڭ اشىقتىعىن، ماڭىزدى شەشىمدەر قابىلداعان كەزدە ءاربىر ازاماتتىڭ پىكىرىن ەسكەرۋگە نيەتتى ەكەنىن كورسەتەدى. ءاربىر قازاقستاندىق ءوز تاراپىنان ءوزىنىڭ ازاماتتىق قۇقىعىن پايدالانىپ، داۋىس بەرۋگە قاتىسۋعا ءتيىس»، دەپ اتاپ ءوتتى كەزدەسۋ بارىسىندا بالىق ونىمدەرىن ءوندىرۋ زاۋىتىنىڭ باسشىسى ايگۇل امىرعاليەۆا.

اتىراۋ قالاسىندا اسحات ورالوۆ «بەرەكە» شاعىن اۋدانىنداعى 290 ورىندىق بالاباقشا قۇرىلىسىنىڭ بارىسىمەن تانىستى. مەكتەپكە دەيىنگى مەكەمە وتكەن جىلدىڭ سوڭىندا پايدالانۋعا بەرىلۋى كەرەك ەدى، بىراق قارجىلاندىرۋدىڭ ازدىعىنان قۇرىلىس ۇزاققا سوزىلدى. بۇل ماسەلە پارتيالىق باقىلاۋعا الىندى جانە بالاباقشا جىل سوڭىنا دەيىن پايدالانۋعا بەرىلەدى.

سونداي-اق، اسحات ورالوۆ ايماقتاعى «AMANAT» بەلسەندىلەرىمەن جانە پارتيا جاستار قاناتىنىڭ مۇشەلەرىمەن كەزدەستى. وبلىستا 106 باستاۋىش پارتيا ۇيىمىنا بىرىككەن 24 مىڭ پارتيا مۇشەسى بار.

Abai.kz