"رەسەي قازاقستان ءۇشىن ساۋدا-ەكونوميكالىق سالادا نەگىزگى ارىپتەس بولىپ قالا بەرەدى. سول سەبەپتەن مەن ءبىزدىڭ ۇكىمەتكە قازىرگى گەوساياسي جاعدايعا بايلانىستى قيىندىقتارعا قاراماستان، ساۋدا، ينۆەستيتسيا دەڭگەيىن ساقتاپ عانا قويماي، ءارى قاراي دامىتۋدى تاپسىرىپ وتىرمىن", - دەگەن قازاق پرەزيدەنتى.
ونىڭ مالىمەتىنشە، ەكى ەل اراسىنداعى ساۋدا اينالىمى 25 ملرد دوللارعا جەتكەن.
رەسەي پرەزيدەنتى سوزىندە رەسەيلىك كومپانيالار قازاقستانعا 17 ملرد دوللار ينۆەستيتسيا جاساعانىن ايتقان.
دۇيسەنبى كۇنى وتكەن ۇجىمدىق قاۋىپسىزدىك كەلىسىم شارتى ۇيىمىنىڭ (ۇقشۇ) ءسامميتى كەزىندە پۋتين "ۇقشۇ كۇشى قازاقستاندا بيلىكتى ەكسترەميزمدەردىڭ باسىپ الۋىنان ساقتادى" دەپ مالىمدەدى.
رەسەي قازاقستانعا ىقپال ەتىپ عانا قويماي، تاۋارىن ساتۋشى رەتىندە قارايدى. ەكى ەل شەكاراسىنىڭ قاشىقتىعى - جەتى جارىم مىڭ شاقىرىم. بۇل - الەمدەگى ەڭ ۇلكەن قۇرلىق شەكاراسى.
Abai.kz
