اقپانبەت ارشىنۇلى.تارت قولىڭدى، ءپىر بەكەتتەن!
جاڭاوزەن قالاسىنىڭ اتىن اۋىستىرۋ ماسەلەسى قوعامدا ۇلكەن داۋ تۋدىرىپ، كۇن وتكەن سايىن الا اتىن وگەرتۋگە قارسى ازاماتتاردىڭ قاراسى كوبەيىپ كەلەدى.
رەداكتسيامىزعا اتالعان جاعدايعا بايلانىستى وقىرمانداردان حاتتار كەلىپ تۇسۋدە. سونىڭ ءبىرى - وڭتۇستىك قازاقستان وبلىسى، سوزاق اۋداننىڭ تۇرعىنى، 65 جاستاعى اقساقال اقپانبەت ارشىۇلىنان كەلىپتى.
تومەندە جاڭاوزەن قالاسىنىڭ اتاۋىن بەكەت اتا ەسىمىنە اۋىستىرايىق دەپ باستاما كوتەرگەن ماڭعىستاۋ وبلىسىنىڭ اقساقالدارىنا وڭتۇستىك قازاقستان وبلىسىنىڭ اقساقالى اقپانبەت ارشىنۇلىنىڭ ۇندەۋىن بەرىپ وتىرمىز.
«Abai.kz»
بۇل ۇندەۋىم، بەكەت ءپىردىڭ ەسىمىن ساياسي ويىنشىققا اينالدىرعىسى كەلەتىندەرگە ارنالادى
جاڭاوزەن قالاسىنىڭ اتىن اۋىستىرۋ ماسەلەسى قوعامدا ۇلكەن داۋ تۋدىرىپ، كۇن وتكەن سايىن الا اتىن وگەرتۋگە قارسى ازاماتتاردىڭ قاراسى كوبەيىپ كەلەدى.
رەداكتسيامىزعا اتالعان جاعدايعا بايلانىستى وقىرمانداردان حاتتار كەلىپ تۇسۋدە. سونىڭ ءبىرى - وڭتۇستىك قازاقستان وبلىسى، سوزاق اۋداننىڭ تۇرعىنى، 65 جاستاعى اقساقال اقپانبەت ارشىۇلىنان كەلىپتى.
تومەندە جاڭاوزەن قالاسىنىڭ اتاۋىن بەكەت اتا ەسىمىنە اۋىستىرايىق دەپ باستاما كوتەرگەن ماڭعىستاۋ وبلىسىنىڭ اقساقالدارىنا وڭتۇستىك قازاقستان وبلىسىنىڭ اقساقالى اقپانبەت ارشىنۇلىنىڭ ۇندەۋىن بەرىپ وتىرمىز.
«Abai.kz»
بۇل ۇندەۋىم، بەكەت ءپىردىڭ ەسىمىن ساياسي ويىنشىققا اينالدىرعىسى كەلەتىندەرگە ارنالادى
«جاڭاوزەن قالاسىنا بەكەت اتا ەسىمىن بەرەيىك!» دەگەن شالدار شىعىپتى. ولاردىڭ داۋىسى بۇعان دەيىن نەگە شىقپادى؟ ولاردى قاي سونا شاعىپتى؟ بۇعان دەيىن سول قالانىڭ ماسەلەسىن شەشۋگە بولماسا اقساقال بولىپ جاستاردى اۋىزىنا قاراتۋدا قايدا ءجۇردى؟ قاي وتارىن، قاي ءۇيىرىن باعىپ ءجۇردى؟ ارتىمەن سۇڭگىپ، ساسقانداردىڭ ايتقاندارىنا دەلدال بولاتىنداي، باستارىڭا نە كۇن تۋدى؟ نەمەنە ءپىر بەكەتتىڭ، باپ ارىستاننىڭ نە پايعامبار مۇحاممەدتىڭ ەسىمىنە قالا بەرگىزۋگە بۇعان دەيىن اۋىزدارىڭدى بىرەۋ بۋدى ما؟! تۇستەن كەيىن ماڭىرايتىن تۇساق قوي سەكىلدى... جاستارىمىز بولسا اناۋ، اسىرە يسلامدانىپ، ميعۇلا مۇسىلماندانىپ كەتكەنى... سونى ايتىپ، بۇدان 10 جىل بۇرىن بيلىككە باستاما جاساۋعا كىم كەدەرگى بولدى؟
و زاماندا، بۇ زامان، قالانىڭ نە دالانىڭ اتاۋىن پىرگە، پايعامبارعا، قالپەگە، يمامعا، قوجا مەن مولداعا بەرگەن قازاقتى قايدان كوردىڭدەر؟ الدە سەندەر دە پوپ پەن شوقىنعان اكەي بولۋدى اڭساي باستادىڭدار ما؟ ودان دا ەلدىڭ سول تۇسىنداعى قاقپا بولىپ تۇرعان ەكى قالانىڭ اتاۋىنان وگەي ءدىندارلاردىڭ ەسىمدەرىن نەگە الاستاۋعا باستاما كوتەرمەيسىڭدەر؟
تورلەرىڭنەن كورلەرىڭ جۋىق، بەكەت اتانىڭ اتىن ساياساتتىڭ شۇلعاۋىنا اينالدىرۋدان باسقا ويلارىڭ مەن ەستەرىڭە ەشتەڭە كەلمەدى مە؟ الدە ەسى كەتكەن اكىم-قارانىڭ قولقاسى تاناۋ جىبىتە مە؟! دوعارىڭدار، ۇلتتىڭ بەتكە ۇستارىن شۋاش اياقتارىڭا وراۋدى! تارت قولىڭدى، قازاقتىڭ قادىرى مەن قاسيەتىنەن! ساياسي ساندالۋ مەن سەندەلۋگە ارالاساتىنداي، قازاقتىڭ كۇنى سەندەرگە ءتۇسىپ تۇرعان جوق.
ۇلتتى بار بايلىقتان جۇرداي قىلعانداردىڭ ەندى رۋحاني بارىمىزعا قول سالا باستاعانى، قاي ساسقانى؟! وعان جول بەرىلمەيدى! وسىدان 4-5 جىل بۇرىن قانات ساۋداباەۆ دەگەن مەملەكەتتىك حاتشىنىڭ ونوماستيكاعا موراتوري جاريالاپ، ەشكىمدى تىپىر ەتكىزبەگەن قۇزىرىن كىم الىپ تاستاي قويدى؟ قاپەلىمدە نەعىپ قازاقتىڭ ءپىرىن كوكسەي قالدىڭدار؟ جاڭاوزەننىڭ بار ماسەلەسى،بار داۋى بەكەت ءپىردىڭ ەسىمىنە قاراپ تۇر ما ەكەن؟
سانسىراماڭدار، ساندالماڭدار! تارت قولىڭدى ءپىر بەكەتتەن، وڭكەي قىرت!
اقپانبەت ارشىنۇلى. 65 جاستاعى زەينەتكەنر
سوزاق اۋدانى
«Abai.kz»
