الماتى قالاسىنىڭ پروكۋراتۋراسى ەگىزباەۆ كوشەسىندە ورنالاسقان بۇرىنعا اۆتوپاركتىڭ ورنىنا تۇرعىن ءۇي كەشەنىن سالۋدى توقتاتىپ تاستادى. ونى BI Group قۇرامىنا كىرەتىن LK Astana Realty Plus كومپانياسى سالا باستاعان ەدى.

"مەملەكەت بويىنشا قۇرىلىستىڭ سوڭعى پارامەترلەرى مەن كورسەتكىشتەرىنىڭ، سونداي-اق حالىقتى الەۋمەتتىك نىساندارمەن قامتاماسىز ەتۋدىڭ ەسەپتەۋلەرى بۇل اۋماقتاعى عيماراتتاردىڭ بيىكتىگى 10 قاباتتان اسپايتىنىن كورسەتتى. ماڭايداعى بالاباقشالار مەن مەكتەپتەردىڭ جوبالىق قۋاتى تۇرعىنداردىڭ بارلىعىن قامتاماسىز ەتۋگە مۇمكىندىك بەرمەيدى.

قۇرىلىستىڭ ءالى باستالماعانىن ەسكەرە وتىرىپ، بوستاندىق اۋدانىنىڭ پروكۋراتۋراسى وسى ۋچاسكەنىڭ اۋماعىن ەگجەي-تەگجەيلى جوسپارلاۋ جوباسىن ەسەپكە الۋ، سونداي-اق قوعامدىق ازاماتتىق تالقىلاۋلار جۇرگىزۋ ءۇشىن ۋاكىلەتتى ورگانعا قاداعالاۋ اكتىسىن ەنگىزدى»، - دەپ ءتۇسىندىردى الماتى پروكۋراتۋراسى.

جالپى، قازىر جەر-جەرلەردە BI Group قۇرىلىستارى توقتاتىلا باستادى. وعان ءبىر عانا سەبەپ بار - مەملەكەت وسى قۇرىلىس كومپانيا باسشىلارىن ۇستاۋعا دايىندالىپ جاتىر دەگەن ءسوز.

Abai.kz