بۇگىندە تەلەارناعا تەلمىرگەن ەل تۇرعىندارىنا كورسەتەتۇعىن جاعىمدى جاڭالىق تاپشى سياقتى. تاڭنان كەشكە دەيىن بيلىكتىڭ "بەرەكەلى ءىس" تىندىرىپ جاتقانىمەن قوسا، "اتىپ كەتتى، شاۋىپ كەتتى" سارىنىنان جالىعاتىن تەلەتىلشىنى كورمەدىك.

عالامتوردىڭ بەتى ونسىز دا قان-جوسا. سوندا، ءبىزدىڭ شىنىمەن دە وڭكەي قانىپەزەرلەردەن قۇرالعان مەملەكەت بولعانىمىز با؟ ولاي دەمەسكە شارا جوق. 2011 جىلى بۇۇ ستاتيستيكاسىنا قازاقستاندا 100 مىڭ ادامعا شاققاندا 11 كىسى ءولىمى تىركەلىپتى. قۇددى ءبىر قىزىل قىرعىن-اۋ دەرسىڭ...

بار بولعانى 16-اق ميلليون ادامدى ازەر قۇراپ وتىرعان ۇلانعايىر جەرىمىز ءبىزدىڭ سۇيەككە تويماي جاتقانداي ەلەس بەرەدى. اماندىعىمىزدىڭ الا-قۇلالىعىن باس پروكۋراتۋرا دا جاسىرمايدى. تەك بۇۇ دەرەگىن ەپتەپ "100 مىڭ ادامعا شاققاندا 9 كىسى ولىمىنەن سايكەس كەلەدى" دەپ "تۇزەتىپ" قويعانى بولماسا. وتكەن جىلى ادام ءولتىرۋ وقيعالارى شىعىس قازاقستان مەن وڭتۇستىك قازاقستان وبلىستارىندا كوپ تىركەلدى.

بۇگىندە تەلەارناعا تەلمىرگەن ەل تۇرعىندارىنا كورسەتەتۇعىن جاعىمدى جاڭالىق تاپشى سياقتى. تاڭنان كەشكە دەيىن بيلىكتىڭ "بەرەكەلى ءىس" تىندىرىپ جاتقانىمەن قوسا، "اتىپ كەتتى، شاۋىپ كەتتى" سارىنىنان جالىعاتىن تەلەتىلشىنى كورمەدىك.

عالامتوردىڭ بەتى ونسىز دا قان-جوسا. سوندا، ءبىزدىڭ شىنىمەن دە وڭكەي قانىپەزەرلەردەن قۇرالعان مەملەكەت بولعانىمىز با؟ ولاي دەمەسكە شارا جوق. 2011 جىلى بۇۇ ستاتيستيكاسىنا قازاقستاندا 100 مىڭ ادامعا شاققاندا 11 كىسى ءولىمى تىركەلىپتى. قۇددى ءبىر قىزىل قىرعىن-اۋ دەرسىڭ...

بار بولعانى 16-اق ميلليون ادامدى ازەر قۇراپ وتىرعان ۇلانعايىر جەرىمىز ءبىزدىڭ سۇيەككە تويماي جاتقانداي ەلەس بەرەدى. اماندىعىمىزدىڭ الا-قۇلالىعىن باس پروكۋراتۋرا دا جاسىرمايدى. تەك بۇۇ دەرەگىن ەپتەپ "100 مىڭ ادامعا شاققاندا 9 كىسى ولىمىنەن سايكەس كەلەدى" دەپ "تۇزەتىپ" قويعانى بولماسا. وتكەن جىلى ادام ءولتىرۋ وقيعالارى شىعىس قازاقستان مەن وڭتۇستىك قازاقستان وبلىستارىندا كوپ تىركەلدى.

دەنىن ءوز شاما-شارقىن، ىشەر ىشىمدىگىنىڭ مولشەرىن بىلمەيتىن پاتشاعارلار ماس كۇيىندە جاساعان. ءتىپتى، وتانداستارىمىزدى قيت ەتسە شيق ەتكىزىپ، و دۇنيەگە اتتاندىرىپ جىبەرە سالۋ جاعىنان ماداگاسكار، موزامبيك، توگو، مالي جانە گرەنلانديا ەلدەرىنەن اسىپ ءتۇسىپپىز. ولاردا مۇنداي سۇمدىق باياعىدا تىركەلگەن. بىزدىكى - بىرەۋدىڭ جانتۇرشىكتىرەر ەسكى كوشىرمەسىن جاساۋ، انشەيىن. مىسالى، قازىر كەڭ جەرىنە سىيماي، قارا قۇرتشا قاپتاپ كەتكەن قىتاي ەلىندە 100 مىڭ ادامعا شاققاندا ءبىر-اق كىسى ءولىمى بولادى ەكەن.

ال، بىزگە جىبەرىپ تۇراتىن كينولارى بىرىڭعاي جارق-جۇرق، تارس-تۇرستان تۇراتىن امەريكالىقتار مەن تۇرىكتەر شىنايى ومىردە قولىن بىلعاپ، ابىروي تاپپاسىن بىلەتىنگە ۇقسايدى. تىنىشتىعىنا سۇيسىنەسىڭ. دەرەككە قاراپ وتىرساق، ورتاازيا ەلدەرىنەن دە تاجىكستان، تۇركىمەنستان، قىرعىزستان ازاماتتارى قارسىلاستارىنا ءجيى اجال توندىرە بەرمەيتىن كورىنەدى.

قازاق جەرىندەگىلەرگە قاراعاندا، ولاردىڭ قارۋعا جۇگىنەتىندەرى ون ەسە از. ءولىم-ءجىتىمسىز ءوسىپ-ءونۋ دەگەنىمىز - سول! تەككە ەسەرلەنبەي، باسقانىڭ ەنشىسىندەگى ۇلگىنى وسىنداي جاقسى جاعىنان الۋدى ۇيرەنسەك، نەتتى؟!

دەرەككوز: shyn.kz/