اقش-تىڭ ەۋروپاداعى قاۋىپسىزدىك جانە ىنتىماقتاستىق جونىندەگى كوميسسياسى (حەلسينكي كوميسسياسى) «رەسەي دەكولونيزاتسياسى. مورالدىق جانە ستراتەگيالىق يمپەراتيۆ» اتتى عالىمدار مەن ساراپشىلاردى جيناپ، تالقى وتكىزدى.

بۇل جيىندا بولاشاقتا رەسەيدەگى اۆتونومدى مەملەكەتتەردىڭ تاۋەلسىزدىك الىپ، رەسەي يمپەرياسىنىڭ ىدىراۋى تۋرالى ايتىلعان جانە دايىن كارتاسى كورسەتىلدى.

«رەسەيدىڭ سيرياعا، ليۆياعا، گرۋزيا مەن شەشەنستانعا جاساعان باسقىنشىلىق سوعىسى جانە قازىرگى ۋكرايناعا سالعان ىلاڭى بۇكىل الەمگە رەسەي فەدەراتسياسىنىڭ قاتىگەز يمپەريالىق سيپاتىن كورسەتىپ وتىر»، - دەدى ساراپشىلار.

كوميسسياعا قاتىسۋشىلاردىڭ ايتۋىنشا، رەسەي ءوز ىشىندەگى كوپتەگەن سلاۆيان ەمەس ۇلتتارعا ۇستەمدىك ورناتىپ، ولاردىڭ وزىنە ءتان ۇلتتىق ەرەكشەلىگىن ساقتاۋعا جول بەرمەي، اياۋسىز جانىشتاپ وتىر.

«قازىرگى ۋاقىتتا ەۋروپا قاۋىپسىزدىگى مەن تۇراقتىلىعىنىڭ سانالى مۇشەسى بولۋى ءۇشىن رەسەيدى «دەكولونيزاتسيالاۋ» قاجەت پە، الدە رەسەي يمپەرياليزىمىمەن ساناسۋ كەرەك پە دەگەن داۋلى پىكىرتالاستار ءجۇرىپ جاتىر. كەڭەستىك جۇيەنىڭ مۇراگەرى رەسەي ءوزىنىڭ بودانداۋ جوسپارىن انتي-يمپەرياليستىك جانە انتي-كاپيتاليستىك تەرميندەرمەن جاسىرعانسىپ وتىر. ءجيى قولداناتىن قاتىگەز، يمپەريالىق تەندەنتسيالارىنا بايلانىستى رەسەي وزىنە ءالى دە ناقتى نازار اۋدارتا المادى»، - دەپ ەسەپتەيدى حەلسينكي كوميسسيانىڭ وتىرىسىنا قاتىسۋشىلار.

رەسەيدىڭ بۇقارالىق اقپارات قۇرالدارى: «بۇل اقش-تىڭ رەسەيدى ىدىراتىپ، جەرىنىڭ قازبا بايلىعىن تارتىپ الىپ، باسقارىپ وتىرعىسى كەلەتىن پاسىق ويى»، - دەپ باعالادى.

اقپارات بەرە كەتەيىك، ەقىۇ-عا سولتۇستىك امەريكا، ەۋروپا جانە ازيادان 57 مەملەكەت مۇشە. قازاقستان ۇيىمعا 1992 جىلعى 30 قاڭتاردا مۇشەلىككە وتكەن. ال، 2010 جىلى تمد ەلدەرى اراسىندا ءبىرىنشى بولىپ توراعالىق قىزمەتىن اتقاردى.  ەۋروپاداعى قاۋىپسىزدىك جانە ىنتىماقتاستىق جونىندەگى ۇيىم، قاۋىپسىزدىك ماسەلەلەرىمەن اينالىساتىن الەمدەگى ەڭ ءىرى وڭىرلىك ۇيىم بولىپ تابىلادى.

ەقىۇ قاۋىپسىزدىكتىڭ كەڭ اۋقىمدى ماسەلەلەرى بويىنشا ساياسي ديالوگقا ارنالعان فورۋم جانە قوعامداستىقتاردىڭ ءومىرىن جاقسارتۋ جونىندەگى بىرلەسكەن قىزمەت ءۇشىن پلاتفورما قىزمەتىن اتقارادى. ۇيىم اسكەري-ساياسي، ەكونوميكالىق-ەكولوگيالىق، قۇقىق سالاسىندا قاۋىپسىزدىكتى قامتاماسىز ەتەدى.

Abai.kz