ەكسپو - ۇلتقا جۇعا ما، الدە داڭعىرا جوبا ما؟
20 جىلدىڭ ىشىندە ەزىلگەن حالىقتان ەرىكتى ۇلتقا اينالعانىمىزعا وكىنبەيمىز. اللاعا شۇكىر، قازاق دەگەن حالىقتىڭ بارىن الەمگە تانىتۋدا تويدان توي بولىپ جاتىر. الايدا، ەلدىڭ ەگەمەن بولۋى - الەمگە تانىلۋ ەمەس، ۇلتتىڭ مۇددەسى ۇرىن تۇردە ەمەس، اشىق ماقساتقا جەتۋ جولىمەن جۇزەگە اسقانىنا نە جەتسىن! كوڭىلدى كۇپتى ەتەرلىك ءبىر جايت - الەمنىڭ الدىنا ءتۇسىپ الىپ، ءبىزدى تانىڭدار دەگەن كوكەزۋ ءسوزدىڭ ۇلتتىق يدەياعا اينالىپ كەتكەندىگى. وسىنى قويساق قايتەدى؟ الدە اس باتپاي ما؟ الدە ءوزىمىزدى ءوزىمىز داڭعىرا داڭقپەن اسىراۋعا كوشتىك پە؟
ءيا، ءبىز نە كورگەن حالىقپىز؟ وتكەن عاسىردىڭ باسىندا ماشينانى العاش كورىپ، شايتان اربا اتاپ، اتقا قونىپ تۇرا قۋىپپىز. ونىمىز بۇگىندە انەكدوتقا اينالدى. ماسەلە وندا دا ەمەس، تالاي حالىقتىڭ كەمباعالدىعى بار، اركىمدە دە جەتىپ جاتىر...
الايدا، ءبىز نە كورمەگەن حالىقپىز؟ ءبىر عاسىردا قايماعىمىز سىلىنىپ، جارتىمىز قىرىلىپ، بالا-شاعادان قالپىنا كەلگەن جۇرتپىز. سوندىعىمىزدان ۇلتتىق كودىمىزدى ءالى جاڭعىرتا الماي، ماڭگىرىپ، ءوزارا تۇتاستىعىمىزدى سەزىنە الماي، ءبىرىمىزدى ءبىرىمىز باقتالاس كورەتىن بالالىعىمىز قالماي كەلەدى.
اللاعا شۇكىر، جاقسىلىقتى دا كورىپ كەلەمىز. ارىگە بارماي، 20 جىلدى الساق تا، الەمدىك ۇردىسكە تاتىيتىن توي-تومالاقتىڭ تالايىن ىستەدىك. ءتىپتى، ەگەمەندىگى ەلۋ جىلدان ارىگە كەتەتىن ەلدەر اتقارماعان جاقاندىق جاڭالىقتاردى جاساپ جاتىرمىز!
مىنە، ەندى اللا-تاعالا جار بولىپ، ەكسپو دەگەن ۇلى جارمەڭكەنىڭ تايقازانىن ورناتپاقپىز. ءتاڭىر جارىلقادى!
20 جىلدىڭ ىشىندە ەزىلگەن حالىقتان ەرىكتى ۇلتقا اينالعانىمىزعا وكىنبەيمىز. اللاعا شۇكىر، قازاق دەگەن حالىقتىڭ بارىن الەمگە تانىتۋدا تويدان توي بولىپ جاتىر. الايدا، ەلدىڭ ەگەمەن بولۋى - الەمگە تانىلۋ ەمەس، ۇلتتىڭ مۇددەسى ۇرىن تۇردە ەمەس، اشىق ماقساتقا جەتۋ جولىمەن جۇزەگە اسقانىنا نە جەتسىن! كوڭىلدى كۇپتى ەتەرلىك ءبىر جايت - الەمنىڭ الدىنا ءتۇسىپ الىپ، ءبىزدى تانىڭدار دەگەن كوكەزۋ ءسوزدىڭ ۇلتتىق يدەياعا اينالىپ كەتكەندىگى. وسىنى قويساق قايتەدى؟ الدە اس باتپاي ما؟ الدە ءوزىمىزدى ءوزىمىز داڭعىرا داڭقپەن اسىراۋعا كوشتىك پە؟
ءيا، ءبىز نە كورگەن حالىقپىز؟ وتكەن عاسىردىڭ باسىندا ماشينانى العاش كورىپ، شايتان اربا اتاپ، اتقا قونىپ تۇرا قۋىپپىز. ونىمىز بۇگىندە انەكدوتقا اينالدى. ماسەلە وندا دا ەمەس، تالاي حالىقتىڭ كەمباعالدىعى بار، اركىمدە دە جەتىپ جاتىر...
الايدا، ءبىز نە كورمەگەن حالىقپىز؟ ءبىر عاسىردا قايماعىمىز سىلىنىپ، جارتىمىز قىرىلىپ، بالا-شاعادان قالپىنا كەلگەن جۇرتپىز. سوندىعىمىزدان ۇلتتىق كودىمىزدى ءالى جاڭعىرتا الماي، ماڭگىرىپ، ءوزارا تۇتاستىعىمىزدى سەزىنە الماي، ءبىرىمىزدى ءبىرىمىز باقتالاس كورەتىن بالالىعىمىز قالماي كەلەدى.
اللاعا شۇكىر، جاقسىلىقتى دا كورىپ كەلەمىز. ارىگە بارماي، 20 جىلدى الساق تا، الەمدىك ۇردىسكە تاتىيتىن توي-تومالاقتىڭ تالايىن ىستەدىك. ءتىپتى، ەگەمەندىگى ەلۋ جىلدان ارىگە كەتەتىن ەلدەر اتقارماعان جاقاندىق جاڭالىقتاردى جاساپ جاتىرمىز!
مىنە، ەندى اللا-تاعالا جار بولىپ، ەكسپو دەگەن ۇلى جارمەڭكەنىڭ تايقازانىن ورناتپاقپىز. ءتاڭىر جارىلقادى!
دەسەك تە، وسى ءبىز - نەگە ۇتقىشبىز، جۇرت - ۇتىلعىش؟ ماسەلە، كۇلشەلى بالا ەكەندىگىمىزدە. ماسەلە، اتا-بابا قانىمەن قورعالعان قىرۋار بايلىق كومىلگەن ءاپايتوس دالامىزدىڭ ارقاسىندا! بالكىم، سونى ساۋدالاۋدى دا ۇيرەنگەنىمىزدە بولار... ايتپەسە، اۋىزىمەن وراق وراتىن ەبروكىندىكشىل ەبروجۇرتشىلىق نەعىپ بىزگە تايقازاندى ۇستاتا سالادى؟ ماسەلە - ولاردىڭ قازانعا سالارىنىڭ جوقتىعىندا جانە ءبىزدىڭ قازى-قارتامىزدىڭ ولارعا وڭاي ولجا بولاتىنىنا ابدەن سىرالعى بولعاندىقتارىندا.
ءجا، جارايدى. «بايدىڭ بوعىن بايعۇس قىزعانادى». حالىق بولعاسىن جاقسىنى دا، جاماندى دا كورۋ - جاراتقاننىڭ ءىسى. دەسەك تە، جاقسىلىققا دا جانىمىز مەزى بولاتىن ءتۇرى جوق پا؟ جوق! ەل بولىپ قۋانىپ-اق جاتىرمىز. الايدا، ءبىر جىلدا 150 ميلليارد تەڭگەنى يگەرە الماي وتىرعان بيلىگىمىزگە سەنىمنەن گورى كۇدىك كوپ. «كىرگەن ءىز بار دا، شىققان ءىز جوق» دەگەندەي، بىرنەشە بەسجىلدىققا ازىق بولار تالاي قىرۋار قارجى تالانىپ جاتىر،جىرتىق شەلەكتىڭ تۇبىنەن سورعالاعانداي شەتەلگە اعۋدا...
جارايدى، كورمەنىڭ ارقاسىندا استانامىز تاعى ءبىر قۇلپىرار،ءتىپتى، الەمدىك مەگوپوليسكە اينالار. بىراق ول ۇلتقا نە بەرەدى؟ الەمدىك دەڭگەيدە اس بەرىپ، توي جاساعان حالىقتىڭ، 4-5 ميلليون كەلگىنشىلەرگە جايىلىپ جاستىق، توسەلىپ توسەك بولۋىنان نە ۇتامىز؟ 10 ميلليون قازاققا 5 ميلليون جاتباۋىر جات تىلىمەن كەلىپ جاپىرىپ كەتپەي مە؟ اۋىز سۋ مەن جىلۋعا اۋپىرىمدەپ، باسپاناسىز بۇرسەڭدەپ، ايدالاعا شاشىلعان حالقىمىزدىڭ الەۋمەتتىك دەڭگەيى مەن مەڭگەرگەن تەحنولوگياسى كەشەگى اتا-بابامىز ءىشىپ-جەگەن قىمىز-شۇباتتان، قازى-قارتادان، اتا-بابامىز ىستەگەن تورسىق پەن شاڭىراقتان، اربادان قانشالىقتى وزباق؟ الدە بۇل كورمە قازاقتى الەمگە توسەلەتىن سىرماق ەتۋدىڭ ءبىر جولى ما؟
حالىق ءۇشىن ەكسپونىڭ ماڭىزى استاناعا كەلىپ-كەتەتىن ميلليونداعان ادامداردىڭ ءىشىپ-جەپ، كەكىرىپ كەتىرەتىن داڭعوي ماقتاننىڭ جۇزەگە اسۋىندا ەمەس، ودان ءارى الەمگە ۇستاز بولارلىق الەۋەتكە جەتەرلىك العىشارت بولۋ-بولماۋىندا!
مىنە، سول ۇشىندە استاناعا سالىناتىن، جاقاندىق قوناقتارعا سويىلاتىن مالدىڭ ەسەبى ەمەس، حالىققا جۇعاتىن، مەملەكەتكە كەلەتىن تىكەلەي ساياسي-ەكونوميكالىق-الەۋمەتتىك پايدانىڭ ءتيىمىن جاريالاۋ - جوبانىڭ باستى مايەگى بولۋ كەرەك! بۇل جوبا ۇلتتىق قۇجات رەتىندە ءمولدىر سۋداي كورنەكتى تۇردە جاريا بولىپ، ونىڭ ىسكە اسۋىن شەندىلەرمەن بىرگە حالىقتىڭ كوزى تۇسەتىندەي، الەمگە اككى ۇرى سەكىلدەنبەي، وزىمىزگە ءوزىمىز سىپايى سىرالعىداي بەتىمىز اشىق بولعانى ءجون.
سىرىم دات
«Abai.kz»
