مۇحتار شەرىم. اقىرزامان «وتمەنيت» ەتىلىپتى!
كورشىمدى كورىپ، كوزىم شىعىپ كەتە جازدادى. ءۇيىنىڭ جانىنان جەر قازىپ جاتقالى ءتورتىنشى كۇن، قۇدىقتىڭ ىشىنە ءتۇسىپ كەتەدى دە، ايەلى اكەلگەن زاتتاردى تاسي باستايدى. قىزىعىپ كەتىپ، جانىنا كەلدىم. ءبىر ۋاقىتتا سوپاڭ ەتىپ، شىعا كەلدى.
- كورشى، كوڭىلىڭ كوڭنىڭ اراسىندا قالعانداي، نە ىستەپ جاتىرسىڭ؟-دەپ سۇرادىم.
- ەستىمەدىڭ بە نە؟
- جاڭا بايراعىمىزدىڭ كوتەرىلگەنىن بە؟
- ەستىمەدىڭ بە نە؟
- تۇڭعىش پرەزيدەنت مەرەكەسىن ايتىپ تۇرسىڭ با؟
- ەستىمەدىڭ بە ، نە؟
- ا، ەندىگى جىلى كوكتەم كەلەدى دەيدى...
- ەستىمەدىڭ بە، نە؟
- ەستىمەدىم، ەستىمەدىم! مەن ەستىمەگەن ول قانداي جاڭالىق؟
- اقىرزامان كەلە جاتىر دەيدى!
- نەمەن؟
- اۆتوبۋسپەن!-دەپ اشۋلانعان ول ماعان جاقىندادى.
- مىناۋىڭ نە؟
- بۋنكەر.
- نە، باياعى سوعىس كەزىندە گيتلەر تىعىلعان بۋنكەر سياقتى ما؟
وسى كەزدە ايەلى مەن قىزى ىرسىلداپ، كىشىگىرىم تەلەديداردى كوتەرىپ كەلە جاتتى.
- ءاي، مايرا، تەلەديداردى قايتەسىڭدەر؟
- جەر استىندا ءىشىمىز پىسپايدى ما؟ تۇرىكتىڭ تەلەسەريالىن كورۋىم كەرەك...
- سەريال، سەريال! اقىرزامان كەلە جاتقاندا سەريال كورىپ وتىرماقشى عوي!
- اكە، ءسىزدىڭ ساقال قىرعىشىڭىزدى اكەلەيىن بە؟
- كەرەگى جوق! اقىرزامان كەلگەندە قىرىنىپ وتىرايىن!
كورشىمدى كورىپ، كوزىم شىعىپ كەتە جازدادى. ءۇيىنىڭ جانىنان جەر قازىپ جاتقالى ءتورتىنشى كۇن، قۇدىقتىڭ ىشىنە ءتۇسىپ كەتەدى دە، ايەلى اكەلگەن زاتتاردى تاسي باستايدى. قىزىعىپ كەتىپ، جانىنا كەلدىم. ءبىر ۋاقىتتا سوپاڭ ەتىپ، شىعا كەلدى.
- كورشى، كوڭىلىڭ كوڭنىڭ اراسىندا قالعانداي، نە ىستەپ جاتىرسىڭ؟-دەپ سۇرادىم.
- ەستىمەدىڭ بە نە؟
- جاڭا بايراعىمىزدىڭ كوتەرىلگەنىن بە؟
- ەستىمەدىڭ بە نە؟
- تۇڭعىش پرەزيدەنت مەرەكەسىن ايتىپ تۇرسىڭ با؟
- ەستىمەدىڭ بە ، نە؟
- ا، ەندىگى جىلى كوكتەم كەلەدى دەيدى...
- ەستىمەدىڭ بە، نە؟
- ەستىمەدىم، ەستىمەدىم! مەن ەستىمەگەن ول قانداي جاڭالىق؟
- اقىرزامان كەلە جاتىر دەيدى!
- نەمەن؟
- اۆتوبۋسپەن!-دەپ اشۋلانعان ول ماعان جاقىندادى.
- مىناۋىڭ نە؟
- بۋنكەر.
- نە، باياعى سوعىس كەزىندە گيتلەر تىعىلعان بۋنكەر سياقتى ما؟
وسى كەزدە ايەلى مەن قىزى ىرسىلداپ، كىشىگىرىم تەلەديداردى كوتەرىپ كەلە جاتتى.
- ءاي، مايرا، تەلەديداردى قايتەسىڭدەر؟
- جەر استىندا ءىشىمىز پىسپايدى ما؟ تۇرىكتىڭ تەلەسەريالىن كورۋىم كەرەك...
- سەريال، سەريال! اقىرزامان كەلە جاتقاندا سەريال كورىپ وتىرماقشى عوي!
- اكە، ءسىزدىڭ ساقال قىرعىشىڭىزدى اكەلەيىن بە؟
- كەرەگى جوق! اقىرزامان كەلگەندە قىرىنىپ وتىرايىن!
قىزى مەن ايەلى تەلەديداردى تاستاپ، ۇيلەرىنە كىرىپ كەتتى. مەن تەلەديداردى كوتەرىسىپ ىشكە ءتۇستىم. جەر استى ءۇيى ەكى بولمەلى ەكەن. اعاش تىرەۋلەر قويىپتى.
- جەر استى پاتەرىڭ قۇتتى بولسىن!-دەدىم مەن.
- ايتسىن.
- بىلاي عوي. ايتقان جەردەن اۋلاق، اقىرزامان بولدى دەيىك. سۇڭقيىپ، جەر بەتىنە شىقساڭدار، تىرشىلىك اتاۋلى جوق، سەندەر عاناسىڭدار... نە ىستەيسىڭدەر؟
- وبلىسقا اكىم بولامىن...
- قىزىقسىڭ، توپان سۋ، شايىپ كەتكەن. ەشتەڭە جوق، ەشكىم جوق.
- ىسقىرامىن.
- ۇشا جونەلەتىن شىمشىق تا جوق.
وسى كەزدە ايەلى جارتى قاپشىق ۇن ارقالاپ، استىنان قىزى كوتەرە كومەكتەسىپ كەلەدى ەكەن.
- جەڭەشە، جەر استىندا جاتىپ، نان جاباسىز با؟-دەپ سۇرادىم.
- جوق، كەسپە كوجە ءپىسىرىپ ىشەمىز.
- قالاي پىسىرمەكشىسىز؟
- گاز پليتا تۇسىردىك قوي.
- كوكە، سىزدەر قايدا قاشاسىزدار؟-دەپ قالدى قىزى ۇرەيلەنىپ.
- ءبىز قاشپايمىز. ۇيدە وتىرا بەرەمىز.
- ولەسىزدەر عوي؟
- كوپپەن بىرگە ولگەن ۇلى توي...
- ءاي قىز، تاقىلداي بەرمەي، مەنىڭ ناسىبايىمدى تاۋىپ اكەل!
- قازىر اكە!
مەن ايەلى كوتەرگەن ۇندى كوتەرىستىم. جان-جاعىما قاراسام، جابىلعان بانكىلەر، قاقتالعان ەت، ماكارون، كەرەك دەسەڭىز، كەپكەن بالىقتار دا ءىلۋلى تۇر!
ءبىر كەزدە، جەڭەشەمىز وتاعاسىنا بولەك جەرگە توسەك سالا باستادى. قىزى ەكەۋىنە ەسىك جاققا سالىپ، ۇشەۋى دە كيىمشەڭ كورپەنىڭ استىنا سۇڭگىپ، جاتا كەتىستى. سوستيىپ ءالى تۇرمىن.
- ءحىم... كورشى، ا كورشى، اقىرزامان كەلمەي جاتىپ جاتا قالعاندارىڭىز قالاي؟
كورشىمدە ءۇن جوق. اۋدارىلىپ جاتتى. اياعىمدى ەپپەن باسىپ، جەڭەشەمىزدىڭ جانىنا كەلىپ، كورپەسىن سىپىرعىمەن ءتۇرتتىم.
- جەڭەشە، سىزدەردى ابىگەرگە تۇسىرگەن سيتچين دەگەن وڭباعان جازۋشى...
- ە-دەگەن جەڭەشەم توسەكتەن باسىن جۇلىپ الدى.
- 1976 جىلى عوي دەيمىن، ويباي، كونە شۋمەر جازبالارىن تاپتىم، جاڭالىق اشتىم، ويباي، مارس پەن يۋپيتەر اراسىندا نيبۋري دەگەن عالامشار پايدا بولىپ، ول جەرگە 2012 جىلى جەلتوقساندا سوعىلادى ەكەن دەپ كىتاپ جازدى عوي!
- اقىرزامان كەلە جاتىر! ۇيىڭە بار دا، بالا-شاعاڭمەن تاۋعا قاش! ايەلىمنىڭ قاسىندا قاراۋىلداپ تۇرسىڭ با نە؟-دەپ ايقاي سالدى كورشىم.
- وۋ، مىنا «بۋنكەرىڭنىڭ» ەسىگىن جاۋىپ المايسىڭدار ما؟
- ەسىكتى پۋلتپەن جابىلاتىنداي ەتىپ جاساعانمىن، ميىمدى اشىتپاي، كەتشى...
- مەن قاسىڭىزدا قالايىنشى...
- نەگە؟
- ءسىز جەمەيتىن اكىم بولىپ كەتسەڭىز، مەن ورىنباسارىڭىز بولىپ...
--نەگە جەمەيتىن اكىم؟...
- ەندى جەر بەتىندە جەيتىن ەشتەڭە قالماعان عوي...
ءبىر كەزدە ۇيالى تەلەفونىم شىرىلدادى. سويلەسىپ بولدىم دا:
- كورشى، اقىرزامان بولمايدى ەكەن...-دەدىم.
- قا-قالاي؟-دەپ سۇرادى كورشىم.
- «وتمەنيت» ەتىپتى...
- كىم؟ قالاي؟
- بىلمەيمىن، سولاي دەپ جاتىر، ءجۇرىڭىز، جەر بەتىنە شىعايىقشى، جەر بەتىندە جايراڭداپ جۇرەيىكشى، جەر استىنا ءتۇسۋ قاشپاس...- دەپ سىرتقا اتىلدىم. قۋانعان بايعۇستار توسەكتەرىنەن اتىپ تۇرىسىپ، جەر ۇستىنە شىعۋعا ۇمتىلدى... قايران، جارىق دۇنيە...
«Abai.kz»
