Numbeo سايتىنا جاريالانعان رەيتينگ بويىنشا، قازاقستان دەنساۋلىق ساقتاۋ سالاسىندا رەسەي، ۋكراينا، بەلارۋس، ارمەنيا جانە گرۋزيانى ارتقا تاستادى. قازاقستان 2022 جىلدىڭ ءبىرىنشى جارتى جىلدىعىندا دەنساۋلىق ساقتاۋ دەڭگەيى بويىنشا 96 ەلدىڭ ىشىنەن 58-ءشى ورىندى يەلەنگەن.

رەيتينگ سايتت قولدانۋشىلارى اراسىنداعى ساۋالناما نەگىزىندە جاسالعان. قازاقستاننىڭ دەنساۋلىق ساقتاۋ يندەكسى (Health Care Index) 59,89 قۇرادى. دەنساۋلىق ساقتاۋ جۇيەسىنىڭ، مەديتسينا قىزمەتكەرلەرىنىڭ، جابدىقتاردىڭ، قىزمەتكەرلەردىڭ، دارىگەرلەردىڭ جالپى ساپاسى جوعارى بولسا، يندەكس تە سوعۇرلىم جوعارى بولادى.

2022 جىلدىڭ العاشقى التى ايىندا 86,04 يندەكسىن كورسەتكەن تايۆان (قحر) كوش باستاپ تۇر. دەنساۋلىق ساقتاۋدىڭ ۇزدىك يندەكسى بار ءۇش ەلدىڭ قاتارىنا وڭتۇستىك كورەيا (83,04) مەن جاپونيا (80,52) كىردى.  دەنساۋلىق ساقتاۋ سالاسىنىڭ ەڭ ناشار يندەكسى مالتادا (38,24) انىقتالعان. ودان كەيىن ۆەنەسۋەلا (39,15) جانە بانگلادەش (41,74) ەلدەرى ورنالاسقان ەكەن. ەاەو ەلدەرى بويىنشا: رەسەي 59,86 يندەكسىمەن 59-ورىندى يەلەندى، ارمەنيا 55,74 يندەكسىمەن 72-ءشى ورىن; بەلارۋس 46,14 يندەكسىمەن 92-ءشى ورىندا تۇر.

قازاقستاندىق ساراپشىلار 2022 جىلدىڭ ءبىرىنشى جارتى جىلدىعىندا ەلىمىزدە دەنساۋلىق ساقتاۋ جانە الەۋمەتتىك قىزمەتتەرگە ينۆەستيتسيالار كولەمى رەكوردتىق دەڭگەيگە،  73,7 ملرد تەڭگەگە جەتكەنىن اتاپ ءوتتى. بىلتىرعى جىلدىڭ سايكەس كەزەڭىمەن سالىستىرعاندا بۇل 15,2% - عا ارتىق. 2020 جىلى 64,2 ملرد تەڭگە بولسا، 2021 جىلى 64 ملرد تەڭگەنى قۇراعان.

Abai.kz