دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم نەمەرەسىمەن سويلەسۋ ءۇشىن قازاق ءتىلىن ۇيرەنەتىنىن ايتتى.

بۇل تۋرالى ول الماتىداعى س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىندە دەنساۋلىق ساقتاۋ مينيسترلىگىنىڭ باسشىلىعىمەن وتكەن كەزدەسۋدە ايتىپ قالدى.

- مەن وسىعان دەيىن قازاقستاندا ەكى رەت بولدىم. 2017 جىلى ءبىر رەت الماتىعا باردىم. 2018 جىلى دارىگەر تورەگەلدى شارمانوۆپەن العاشقى مەديتسينالىق-سانيتارلىق كومەك جونىندەگى كونفەرەنتسيادا كەزدەستىم. 2017-2018 جىلدارى قازاقتارمەن تۋىس ەمەس ەدىم. 2017 جىلى قازاق وتباسىنا قۇدا بولدىم. مەن وتە قۋانىشتىمىن. بۇل ەلدە مەنىڭ داۋلەت تۇرلىحانوۆ ەسىمدى قۇدام بار. ول – بەلگىلى ايتىس جۇرگىزۋشىسى ءجۇرسىن ەرماننىڭ كۇيەۋ بالاسى. بۇل – مەن ءۇشىن ماقتانىش. جاقىن ارادا نەمەرەم مەنىمەن قازاقشا سويلەسەتىن بولادى. سوندىقتان مەن نەمەرەم ءۇشىن قازاق ءتىلىن ۇيرەنەمىن، –  دەدى ول.

الماتىدا ددسۇ-نىڭ باسشىسى تەدروس ادحانوم گەبرەيەسۋس دەنساۋلىق ساقتاۋ ءمينيسترى اجار عينياتپەن بىرگە قالا اكىمى ەربولات دوساەۆپەن كەزدەستى.

Abai.kz