ءباسپاسوز حابارلاماسى

2012 جىلدىڭ 13 جەلتوقسانىندا ساعات 10.00 - دە  قر ۇلتتىق كىتاپحاناسىندا «نۇر-وتان» حالىقتىق دەموكراتيالىق پارتياسىنىڭ الماتى قالالىق فيليالى، الماتى قالاسىنىڭ اكىمشىلىگى، قر جوعارى وقۋ ورىندارى قاۋىمداستىعى جانە قر ۇلتتىق كىتاپحاناسىنىڭ ۇيىمداستىرۋىمەن قازاقستان رەسپۋبليكاسىنىڭ تاۋەلسىزدىك كۇنىنە وراي «قازاق كوتەرىلىستەرى: الەۋمەتتىك سەبەپتەرى جانە ساياسي ساباقتارى» اتتى عىلىمي-تاجىريبەلىك كونفەرەنتسيا وتەدى.

كونفەرەنتسيا جۇمىسىنا قازاقستان رەسپۋبليكاسى جوعارى وقۋ ورىندارى قاۋىمداستىعى، قازاقستان جازۋشىلار وداعى، قوعامدىق-ساياسي ۇيىمدار، بەلگىلى تاريحشىلار، جاس عالىمدار، كىتاپحانا قىزمەتكەرلەرى جانە باق وكىلدەرى قاتىسادى.

قازاق ەلى تاۋەلسىزدىگىنە قول جەتكىزگەلى 20 جىلدان استى. وسى جىلدار ارالىعىندا تاريحىمىزدىڭ اقتاڭداق تۇستارى اشىلىپ، ۇلتتىق قۇندىلىقتارىمىز قايتا جاندانا باستادى. بابالارىمىز اڭساعان تاۋەلسىزدىك حالقىمىزعا وڭاي كەلگەن جوق. عاسىرلار بويى بۇل جولدا قانشاما تەر، قانشاما قان توگىپ، قول باستاعان ەسىل ەرلەرىمىز بەن اتقامىنەر جاۋجۇرەك باتىرلارىمىزدىڭ ەرەن ەرلىگى تاريحىمىزدا التىن ارىپتەرمەن جازىلدى. تاريح تامىرىنا بويلاساق تاۋەلسىزدىككە جەتۋ جولىندا 300 دەن استام قازاق كوتەرىلىستەرى بولعان ەكەن.

ءباسپاسوز حابارلاماسى

2012 جىلدىڭ 13 جەلتوقسانىندا ساعات 10.00 - دە  قر ۇلتتىق كىتاپحاناسىندا «نۇر-وتان» حالىقتىق دەموكراتيالىق پارتياسىنىڭ الماتى قالالىق فيليالى، الماتى قالاسىنىڭ اكىمشىلىگى، قر جوعارى وقۋ ورىندارى قاۋىمداستىعى جانە قر ۇلتتىق كىتاپحاناسىنىڭ ۇيىمداستىرۋىمەن قازاقستان رەسپۋبليكاسىنىڭ تاۋەلسىزدىك كۇنىنە وراي «قازاق كوتەرىلىستەرى: الەۋمەتتىك سەبەپتەرى جانە ساياسي ساباقتارى» اتتى عىلىمي-تاجىريبەلىك كونفەرەنتسيا وتەدى.

كونفەرەنتسيا جۇمىسىنا قازاقستان رەسپۋبليكاسى جوعارى وقۋ ورىندارى قاۋىمداستىعى، قازاقستان جازۋشىلار وداعى، قوعامدىق-ساياسي ۇيىمدار، بەلگىلى تاريحشىلار، جاس عالىمدار، كىتاپحانا قىزمەتكەرلەرى جانە باق وكىلدەرى قاتىسادى.

قازاق ەلى تاۋەلسىزدىگىنە قول جەتكىزگەلى 20 جىلدان استى. وسى جىلدار ارالىعىندا تاريحىمىزدىڭ اقتاڭداق تۇستارى اشىلىپ، ۇلتتىق قۇندىلىقتارىمىز قايتا جاندانا باستادى. بابالارىمىز اڭساعان تاۋەلسىزدىك حالقىمىزعا وڭاي كەلگەن جوق. عاسىرلار بويى بۇل جولدا قانشاما تەر، قانشاما قان توگىپ، قول باستاعان ەسىل ەرلەرىمىز بەن اتقامىنەر جاۋجۇرەك باتىرلارىمىزدىڭ ەرەن ەرلىگى تاريحىمىزدا التىن ارىپتەرمەن جازىلدى. تاريح تامىرىنا بويلاساق تاۋەلسىزدىككە جەتۋ جولىندا 300 دەن استام قازاق كوتەرىلىستەرى بولعان ەكەن.

وتكەنىمىزدى تۇگەندەمەي بولاشاققا باعدار جاساي المايمىز. بۇگىنگى ازاتتىقتىڭ اق تاڭىنا جەتكەندەگى جولىمىزدىڭ ايشىعىن ايقىنداپ، جوعىمىزدى تۇگەندەپ، بارىمىزدى تاعى ءبىر مارتە سارالاۋدى كوزدەگەن كونفەرەنتسيانىڭ نەگىزگى ماقساتى وسى قازاق كوتەرىلىستەرىنىڭ ءرولى مەن ماڭىزىنا باعا بەرۋ جانە ونىڭ  تەك تاريحىن عانا ايتىپ قويماي ساياسي استارىنا ءۇڭىلۋ بولماق.

سونداي-اق جيىن بارىسىندا تاۋەلسىز قازاقستان تاريحىندا ورىن العان جاڭاوزەن وقيعاسىنىڭ الەۋمەتتىك سەبەپتەرى مەن ساباقتارىنىڭ قوعامداعى ماڭىزدىلىعىنا وڭ كوزقاراس قالىپتاستىرۋ ماسەلەلەرى قاراستىرىلماق.

كونفەرەنتسيا بارىسىندا  قازاق كوتەرىلىستەرى جايىندا جارىققا  شىققان ارنايى كىتاپ كورمەسى ۇيىمداستىرىلادى.

• وتەتىن ورنى:

قر ۇلتتىق كىتاپحاناسى،

اباي داڭعىلى 14, تەل.+7 (7272) 67-28-83

e-mail: org@nlrk.kz

تىركەلۋ: ساعات 9.00-دەن

• قوسىمشا بايلانىس ءۇشىن:

قر جوعارى وقۋ ورىندارىنىڭ قاۋىمداستىعى،

تەل/فاكس: 8 (727) 293-05-02, 292-94-80, 390-99-30

e-mail: avrk@mail.ru