بەيسەنبى, 3 ءساۋىر 2025
1607 1 پىكىر 24 تامىز, 2022 ساعات 15:53

ءازىربايجاندا قۇرمانعازى اتىنداعى شىعارماشىلىق ورتالىق سالىنادى

ءازىربايجاننىڭ فيزۋلي قالاسىندا قازاقستان پرەزيدەنتىنىڭ شەشىمىمەن قۇرمانعازى اتىنداعى شىعارماشىلىق ورتالىق سالىنادى،-دەپ حابارلادى اقوردا.

مەملەكەت باسشىسى قازاق حالقىنىڭ اتىنان جاسالعان بۇل سىيلىق ەلدەرىمىزدىڭ دوستىعىنىڭ، باۋىرلاستىعىنىڭ جانە ءوزارا قولداۋدىڭ تاعى ءبىر نىشانى بولاتىنىن اتاپ ءوتتى.

ونەر ورتالىعىنىڭ جالپى اۋدانى – 3100 شارشى مەتر. ەكى قاباتتى عيمارات 600 ادامعا ارنالعان. بيىل قىركۇيەك ايىندا ىرگەتاسى قالانىپ، 2023 جىلدىڭ جەلتوقسانىندا پايدالانۋعا بەرىلەدى.

فيزۋلي قالاسىنداعى قۇرمانعازى اتىنداعى شىعارماشىلىق ورتالىعى مۋزىكا جانە مۋزىكالىق اسپاپتار، زاماناۋي تەحنولوگيالار: جۇمىس جابدىقتارى، 3D مودەلدەۋ، ۆەب-ديزاين، فوتو جانە ۆيدەو كۋرستار باعىتىندا جۇمىس ىستەمەك. سونىمەن قاتار كىلەم توقۋعا، قولونەرگە، ءتۇرلى سپورت پەن حورەوگرافياعا باۋليتىن سىنىپتار اشىلادى.

يلحام اليەۆ قاسىم-جومارت توقاەۆقا شەكسىز العىسىن ايتىپ، فيزۋلي قالاسىنىڭ بالالارى ءۇشىن الەمدىك دەڭگەيدەگى شىعارماشىلىق ورتالىق بولادى دەپ سەنەتىنىن جەتكىزدى.

 

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1048
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3499
46 - ءسوز

بىزگە بەيمالىم باراق حان

جامبىل ارتىقباەۆ 2497