قازاقستان رەسپۋبليكاسىنىڭ "تۇڭعىش پرەزيدەنتى – ەلباسى قورى" ەكس-پرەزيدەنت نۇرسۇلتان نازارباەۆ تۋرالى ءفيلمدى تۇسىرۋگە $7 ملن بولگەن، دەپ حابارلايدى PROTENGE تەلەگرام ارناسى.

"قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى" ەلباسى تۋرالى فيلمگە $7 ملن دوللار تولەدى. 2021 جىلى شىققان "Qazaq: التىن ادامنىڭ تاريحى" ءفيلمىن وليۆەر ستوۋن تۇسىرگەن. كەلىسىمشارت سوماسىن جۋرناليست ميحايل كوزاچكوۆ جاريالادى", - دەلىنگەن حابارلامادا.

ارنا اۆتورلارى نازارباەۆتىڭ قورلارى تۋرالى قاڭتار ايىندا ۇلكەن تەرگەۋ جۇرگىزىلگەنىن جانە قورلاردىڭ قايىرىمدىلىقتان باسقا، ميللياردتاعان دوللارلىق اكتيۆتەردى باسقاراتىن فۋنكتسياسى بارىن اتاعان.

"بۇعان دەيىن ءبىز "قازاقمىستىڭ" نازارباەۆ قورىنا 79, 4 ملرد. تەڭگە اۋدارعانىن ايتقان بولاتىنبىز... ايتپاقشى، 2018-2020 جىلدار ارالىعىندا "قازاقمىس" قاراجاتىن تەك قانا "قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى" جەكە قورىنا اۋداردى. الايدا، ول 2021 جىلى جۇمىسىن توقتاتقاننان كەيىن، ونى باسقا رەتسيپيەنتتەر الماستىردى، ولار تۋرالى اقپارات "قازاقستان رەسپۋبليكاسى تۇڭعىش پرەزيدەنتىنىڭ قورلارى" دەگەن بۇلىڭعىر تۇجىرىمنىڭ ارتىندا جاسىرىلدى", - دەلىنگەن حابارلامادا.

Abai.kz