تاشكەنتتەگى اقساراي رەزيدەنتسياسىندا وزبەكستاننىڭ تۇڭعىش پرەزيدەنتى يسلام كارىموۆ اتىنداعى كىتاپحانا اشىلدى. 

2018 جىلى قۇرىلعان كىتاپحانانىڭ وسىعان دەيىن وقۋ زالى عانا بولعان. قازىر وعان قايتا جوندەۋ جۇمىستارى جۇرگىزىلىپ، بىرنەشە ءبولىم اشىپ، زاماناۋي قۇرالدارمەن جابدىقتالدى.

كىتاپحانادا 70 مىڭنان استام كىتاپ، 10 مىڭ جۋرنال، سونىمەن بىرگە يسلام كارىموۆتىڭ قولجازبالارى بار.

يسلام كارىموۆكە سىيلىق رەتىندە بەرىلگەن كىتاپتاردىڭ اراسىندا رەسەيدىڭ ءبىرىنشى پرەزيدەنتى بوريس ەلتسيننىڭ، يزرايل ەكس-پرەزيدەنتى شيمون پەرەستين جانە قىرعىز حالىق جازۋشىسى شىڭعىس ايتماتوۆتىڭ قولتاڭباسى بار كىتاپتار بار.

كىتاپحانانىڭ اشىلۋىنا يسلام كارىموۆتىڭ ايەلى تاتيانا كارىموۆا قاتىسىپ، ءسوز سويلەدى.

Abai.kz