2000 جىلى كۇزدە ۋكراينانىڭ وپپوزيتسيونەر ءجۋرناليسى گەورگي گونگادزە قاستاندىقپەن ولتىرىلگەن بولاتىن. جاقىندا ۋكراين قۇقىق قورعاۋشىلارى ءجۋرناليستىڭ باس سۇيەگىنىڭ سىنىقتارىن تاپتى. باس سۇيەكتىڭ قايدا جاتقانىن وسى ىسكە بايلانىستى تۇتقىنعا الىنعان ۋكراين ءىىم-ءنىڭ بۇرىنعى گەنەرالى الەكسەي پۋكاچ كورسەتتى.

دەنەسىنەن ءبولىنىپ الىنعان باستىڭ قالدىقتارى كيەۆ وبلىسىنىڭ بەلوتسەركوۆ اۋدانىنان تابىلدى. كومىلگەن جەردىڭ ۇستىنەن جول سالىنعان. ۋكراينا باس پروكۋراتۋراسىنىڭ ايتۋىنشا جول سالۋعا قاتىسقان اۋىر تەحنيكالار باس سۇيەكتى قيراتىپ كەتكەن سەكىلدى. بىراق وسى سىنىقتارىنىڭ ءوزىن يدەنتيفيكاتسيالاپ كىمدىكى ەكەنىن تاپ باسۋعا بولادى.

2000 جىلى كۇزدە ۋكراينانىڭ وپپوزيتسيونەر ءجۋرناليسى گەورگي گونگادزە قاستاندىقپەن ولتىرىلگەن بولاتىن. جاقىندا ۋكراين قۇقىق قورعاۋشىلارى ءجۋرناليستىڭ باس سۇيەگىنىڭ سىنىقتارىن تاپتى. باس سۇيەكتىڭ قايدا جاتقانىن وسى ىسكە بايلانىستى تۇتقىنعا الىنعان ۋكراين ءىىم-ءنىڭ بۇرىنعى گەنەرالى الەكسەي پۋكاچ كورسەتتى.

دەنەسىنەن ءبولىنىپ الىنعان باستىڭ قالدىقتارى كيەۆ وبلىسىنىڭ بەلوتسەركوۆ اۋدانىنان تابىلدى. كومىلگەن جەردىڭ ۇستىنەن جول سالىنعان. ۋكراينا باس پروكۋراتۋراسىنىڭ ايتۋىنشا جول سالۋعا قاتىسقان اۋىر تەحنيكالار باس سۇيەكتى قيراتىپ كەتكەن سەكىلدى. بىراق وسى سىنىقتارىنىڭ ءوزىن يدەنتيفيكاتسيالاپ كىمدىكى ەكەنىن تاپ باسۋعا بولادى.

گەورگي گونگادزە ساياسي كوزقاراستارى ءۇشىن قۇربان بولعان. ونىڭ دەنەسى جوعالىپ كەتكەن سوڭ كوپ ۇزاماي كيەۆ وبلىسىنىڭ اۋماعىنداعى ورماننان تابىلعان. ال باسىنىڭ قايدا كەتكەنى تۋرالى مالىمەت كۇنى بۇگىنگە دەيىن جوق بولاتىن. تەرگەۋشىلەر باستىڭ قايدا جاتقانىن تاپ باسىپ كورسەتكەن پۋكاچ گونگادزەنى تىكەلەي ءوزى ولتىرگەن بولۋى ىقتيمال. ونداي جاعدايدا تاپسىرىس بەرۋشىنىڭ كىم ەكەنىن ءبىلۋى ءتيىس. بىراق ازىرگە كۇدىكتى شىندىقتى مويىنداماي وتىر. بۇعان دەيىن وسى ىسكە قاتىسى بار دەپ ۋكراينانىڭ بىرقاتار جوعارى لاۋازىمدى تۇلعالارىنىڭ اتتارى اتالىپ كەلگەن. ءتىپتى، قىلمىس بولعان سوڭ كوپ ۇزاماي مەملەكەتتىك كۇزەتتىڭ ەكس-مايورى نيكولاي مەلنيچەنكو سول كەزدەگى ەل پرەزيدەنتى لەونيد كۋچمانىڭ كابينەتىندە جازىلىپ الىنعان دەپ اۋديوتاسپانى جارىققا شىعاردى. وندا پرەزيدەنت ءجۋرناليستىڭ كوزىن قۇرتىڭدار دەپ بۇيرىق بەرگەن. الايدا، تەرگەۋشىلەر ساراپتامادان وتپەگەندىكتەن اۋديوتاسپانى كۋالىككە جارامايدى دەپ بۇرىنعى پرەزيدەنتتى قىلمىستىق ءىستىڭ قاتىسۋشىسى رەتىندە قاراعان جوق.

ال بىلتىر ۋكراينا ءىىم-ءنىڭ سىرتقى باقىلاۋ جانە كريمينالدىق بارلاۋ قىزمەتىندە جۇمىس ىستەگەن ءۇش ادام - پولكوۆنيكتەر ۆالەري كوستەنكو مەن نيكولاي پروتاسوۆ جانە مايور الەكساندر پوپوۆيچ تۇتقىندالعان. ولارعا ءجۋرناليستىڭ ولىمىنە قاتىسى بار دەپ ايىپ تاعىلعان. ال بۇرىنعى گەنەرال الەكسەي پۋكاچ قاشىپ كەتكەن ەدى. سوندىقتان تاپسىرىس بەرۋشىنىڭ كىم ەكەنىن انىقتاۋ مۇمكىن بولماعان. ەندى بۇكىل ەلدى شۋلاتقان قاندى وقيعانىڭ ۇيىمداستىرۋشىسى كىم ەكەنى بەلگىلى بولاتىن كۇن جاقىن. نيكولاي مەلنيچەنكو بىلتىر جەلتوقسان ايىندا جوعارىدا اتالعان اۋديوتاسپانى باس پروكۋراتۋرانىڭ ساراپتاماسىنا تاپسىرعان بولاتىن. ونىڭ ناتيجەسى دە بەلگىلى بولاتىن كۇن جاقىن.

سەگىز جىل وتسە دە بۇل ءىستىڭ ءالى جۇرت نازارىندا بولۋى قىلمىستى ىسكە جوعارى لاۋازىمدى تۇلعالاردىڭ تىكەلەي قاتىسى بولۋىنان. ەگەر تەرگەۋ ءىسى ادىلەتتىلىكپەن جۇرگىزىلسە تاياۋدا ۋكراينادا جوعارى شەندى قىزمەت اتقارعان تالاي مىقتىلار جازالاناتىن ءارى ۇلكەن ساياسي اڭگىمەنىڭ وزگەنىنە اينالاتىن سوت وتىرىسى بولۋى ىقتيمال.

جالپى الەمدە جۋرناليستەردىڭ قاستاندىقپەن ءولتىرىلۋى تولاستاماي وتىر. كەيبىر ساراپتامالارعا قاراعاندا كوپ جاعدايدا قايعىلى وقيعاعا تۇرمىستىق كيكىلجىڭدەر سەبەپ بولادى ەكەن. سوندىقتان دا گەورگي گونگادزەنىڭ ءولىمى وسىنشاما ايعاي-شۋ تۋدىرىپ وتىر. ءارى بۇل ۋكراين قوعامىنىڭ تاباندى تالاپ ەتۋىمەن جۇزەگە اسىرىلىپ جاتقان شارا. ءبىزدىڭ ەلىمىزدە دە، وكىنىشكە وراي، ساياسي كوزقاراستارى ءۇشىن قۇربان بولعان جۋرناليستەر مەن ساياساتكەرلەر از ەمەس. ەشقايسىسىنىڭ ولىمدەرىنىڭ سەبەبى تولىق اشىلعان جوق. بۇل دا بولسا ءبىزدىڭ قوعامداعى جابىقتىقتى، دەموكراتيانىڭ السىزدىگىن كورسەتسە كەرەك.

2008 جىلى الەم بويىنشا 60 جۋرناليست ولتىرىلەن. بۇل تۋرالى «شەكاراسىز رەپورتەرلار» ۇيىمى بيىلعى بايانداماسىندا ايتادى. 2007 جىلى كووسەتكىش 87 بولاتىن. بۇل كوپتەگەن ەلدەردە ءسوز بوستاندىعىن شەكتەۋ سوڭعى جىلدارى بەلەڭ الىپ بارا جاتقانىن كورسەتەدى. باق ءۇشىن ەڭ قاۋىپتى ەلدەردىڭ قاتارىندا يراك (15 جۋرناليست ولتىرىلگەن، پاكىستان (7) جانە فيليپيننى (6) اتالادى. تۇتقىنعا الۋ جونىنەن افريكا الدا. يراك پەن قىتايدىڭ بيلىك ورىندارى كوپتەگەن جۋرناليستەردىڭ جۇمىسىنا كەدەرگى كەلتىرگەن. قىتايدا پەكين وليمپياداسى كەزىندە سپورتتىق داۋ-دامايدى جازعان 38 ءتىلشى تۇتقىندالعان. سونداي-اق، ينتەرنەتكە قويىلىپ جاتقان شەكتەۋ دە جۋرناليستيكاعا كورسەتىلگەن قىسىم رەتىندە باعالانۋدا.

بەك داتۇلى. «اباينفورم»