قازىر ۇلتىمىز ءتىل جاعىنان ەكىگە جارىلىپ وتىر. ءتىلى ورىسشا شىققان ەش قازاقتى زورلاپ قازاق ءتىلىن ۇيرەن دەي دە المايمىز. بىراق جاڭا جازۋعا كوشەر كەزدە ۇلتىمىزدىڭ ارىپتىك قاققا جارىلۋىنا جول بەرمەۋىمىز كەرەك.

ويتكەنى ورىس سىنىپتارىنىڭ 80 پايىزىن وزدەرىمىزدىڭ قاراكوزدەرىمىز تولتىرىپ وتىر. بۇل ورىستىلىندە ءبىلىم الىپ جاتقان 30 پايىز شاكىرتتەردىڭ 20-25 پايىزى دەگەن ءسوز. قالعان 10-5 پايىز وزگە ۇلت ورىس جازۋىمەن وقيتىن مەكتەپتەردى ومىرگە اكەلسەك، رەسەي ايۋىنىڭ اۋزى جابىلادى. ورىسشا وقىعىسى كەلەتىن قانداستارىمىزعا ءدال قازىرگىدەي اتويلاپ قارسى شىقپاي،  قازاق لاتىن جازۋىمەن ورىسشا-قازاقشا ءبىلىم الاتىن جاڭا قادام جاسالۋعا ءتيىس.

بالالارىن نە نەمەرە-شوبەرەلەرىن ورىس مەكتەبىنە بەرگىش اعايىننىڭ دا، وعان قارسى شىعۋشىلاردىڭ دا اراسىندا ورتاق تۇسىنىستىكتى ورنىقتىرۋ ءۇشىن قازاقتار وقيتىن جاڭا تۇرپاتتاعى ارالاس ءبىلىم بەرەتىن ورىس مەكتەبى اشىلۋعا ءتيىس.

ەتنيكالىق ورىس بولىپ تابىلمايتىن قازاق شاكىرتتەرىنە ءبىلىم بەرۋدە ياكوۆلەۆ الىپبيىنە نەگىزدەلگەن ورىس لاتىن جازۋىن وزىندىك ەرەكشەلىگى بار يۋ يا شش ي يو چ ە ح تس ارىپتەرى بويىنشا جانە ف ۆ قامتىلعان وقۋ باعدارلاماسى جاسالىپ، 70-30 نە 50-50 نە 30-70 پايىز ساباقتار ورىس جانە قازاق تىلىندە جارىسا وقىتاتىن ارالاس مەكتەپتەردى قالىپتاستىرماساق، ءوزارا تىلدىك بولشەكتەنگەن قازاق قازاقتىڭ قاس جاۋىنا اينالىپ شىعا كەلەدى.

ورىس ءتىلدى قازاقتاردى لاتىن جازۋىمەن ورىسشا وقىتۋىمىزعا ەشكىم توسقاۋىل بولا المايدى. ەل ەرتەڭى ءۇشىن، قازاق اراسىنداعى الاۋىزدىقتى جويۋ ءۇشىن بيلىك تاراپىنان قوس تاراپقا ارنالعان ءتىل رەفورماسى قولعا الىناتىن باتىل قادام كەرەك.

بيلىك جاعى دا، سايلاۋعا تۇسكەلى جاتقان پرەزيدەنتتىكتەن ۇمىتكەر ساياسي تۇلعالار دا،  پارلامەنتتەگى ورىننان ۇمىتكەر پارتيالار دا، قازىرگى ماجىلىستە وتىرعان دەپۋتاتتار دا وسى ماسەلەنى دۇرىس شەشىپ، ءورىستىلدى قازاقتارعا ارنالعان جاڭا جازۋدى قۇپتايتىن كونتسەپتسيالارىن ۇسىنىپ ءام ءوز وي-پىكىرلەرىن العا تارتادى دەپ ويلايمىز.

ءابىل-سەرىك الىاكبار

Abai.kz