وتاندىق قانت زاۋىتتارىنا ءۇش ايلىق برازيليالىق قامىس قانتىن ساتىپ الۋعا كومەكتەسەتىن بولادى. بۇل باعانىڭ ءوسۋىن توقتاتادى. قانت 460 تەڭگەدەن اسپايدى. بۇل تۋرالى Zakon.kzكە سىلتەمە جاساپ Abai.kz حابارلايدى. 

پرەمەر-ءمينيستردىڭ ورىنباسارى – قازاقستاننىڭ ساۋدا جانە ينتەگراتسيا ءمينيسترى سەرىك جۇمانعارين «بارلىق اقشا شوعىرلاندىرىلادى» دەپ ناقتىلادى.

"اڭگىمە شامامەن 50 ميلليارد تەڭگە تۋرالى بولىپ وتىر. بىزدە قىزىلشادان ەمەس، قانت قۇراعىنان 700 مىڭ توننا قانت وندىرەتىن ءتورت زاۋىت بار", دەدى سەرىك جۇمانعارين.

ول قازاقستاننىڭ قانتقا دەگەن سۇرانىسى 530 توننانى قۇرايتىنىن جانە كاسىپورىنداردىڭ ەلدى قانتپەن قامتاماسىز ەتۋگە مۇمكىندىگى جەتكىلىكتى ەكەنىن ەسكە سالدى.

ونىڭ ەسەبى بويىنشا حالىق 230 مىڭ توننا تۇتىنسا، شىرىن وندىرۋشىلەرگە وسىنشاما، كونديتەرلىك ونىمدەر وندىرۋشىلەرگە 80 مىڭ توننا قاجەت.

ء"بىز نە ۇسىندىق؟ ءبىز بارلىق زاۋىتتارمەن كەزدەستىك، جۇمىستى ۇيىمداستىرىپ جاتىرمىز، ولاردىڭ ەسەپشوتىنا قاراجات تۇسىرەمىز جانە ولار برازيليالىق قامىس قانتىنىڭ ءۇش ايلىق كولەمىن ساتىپ الادى. بۇل ولار جىل بويى شيكىزاتپەن قامتاماسىز ەتىلەدى دەگەن ءسوز. سونىمەن قاتار، ولار وسىلاي جۇزەگە اسسا، قانتتىڭ قىمباتتامايتىنىنا كەپىلدىك بەرەدى. ياعني، زاۋىت قانتتى 460 تەڭگەدەن قىمبات شىعارمايدى، ال ءبىز بۇكىل قازاقستانعا جەتەتىندەي ءونىم شىعارامىز", - دەدى سەرىك جۇمانعارين.

Abai.kz