ەل ءبىلىمدى بولسا، تاۋەلسىزدىك تۇعىرلى بولادى دەگەن ءسوز تەگىن ايتىلماعان. بۇعان الماتى قالاسى بويىنشا ىستەلىنىپ جاتقان ءىس-شارالار كۋا بولا الادى.

ءاربىر سانالى ازاماتتى «كەلەر ۇرپاققا قانداي ەلدى اماناتتايمىز؟»، «ءبىلىم بەرۋدى نىعايتا ءتۇسۋ ءۇشىن تاعى نە ىستەيمىز؟» دەگەن ساۋالدار تولعاندىرارى انىق.

تۇڭعىش پرەزيدەنت ن.ءا.نازارباەۆ: «ءححى عاسىردا ءبىلىمىن دامىتا الماعان ەلدىڭ تىعىرىققا تىرەلەرى انىق. ءبىز بولاشاقتىڭ جوعارى تەحنولوگيالىق جانە عىلىمي اۋقىمدى وندىرىستەرى ءۇشىن كادرلار قورىن جاساۋىمىز قاجەت. وسى زامانعى ءبىلىم بەرۋ جۇيەسىنسىز ءارى الىستى بارلاپ، كەڭ اۋقىمدا ويلاي بىلەتىن زاماناۋي باسقارۋشىلارىنسىز ءبىز يننوۆاتسيالىق ەكونوميكا قۇرا المايمىز. دەمەك، بارلىق دەڭگەيدەگى ءبىلىم بەرۋدى دامىتۋعا باعىتتالعان ءتيىستى شارالار قولدانۋىمىز شارت». ەلىمىزدىڭ ءبىلىم ساياساتى الەمدىك ارەنادان ءوز ورنىن ناقتىلاۋدا. ويتكەنى ءبىلىمدى ەل عانا الەمدىك وزگەرىستەر كوشىنە ىلەسە الاتىنى ءمالىم. تاۋەلسىزدىك جىلدارىنداعى وتاندىق ءبىلىم بەرۋدە جيناقتالعان تاجىريبەلەردى تالداپ، سارالاپ قاراساق، ەلىمىزدەگى ءبىلىم بەرۋ جۇيەسى الەمدىك ستاندارتقا جاقىنداپ قالعانىنا كوز جەتكىزە تۇسەمىز.

الماتىدا «ءبىلىم مەگاپوليسى: بولاشاقتىڭ مەكتەبى قانداي بولۋى كەرەك» اتتى تامىز كونفەرەنتسياسى ءوز جۇمىسىن باستادى. اتالعان تامىز كونفەرەنتسياسى تىكەلەي ەفيردە ءوتتى.

«الماتى قالاسى ءبىلىم سالاسى بويىنشا كوش باستاپ تۇر. ول تەك ءبىر كورسەتكىش بويىنشا عانا ەمەس، جالپى بالاباقشالاردى الاتىن بولساق تا، ورتا ءبىلىمدى الاتىن بولساق تا، تەنيكالىق-كاسىپتىك ءبىلىم الاتىن بولساق تا، باسىم بولىگى، بارلىق دەڭگەيى بويىنشا الماتى ەڭ ءبىرىنشى ورىندا تۇر. وقۋ-اعارتۋ مينيستىرلىگى بارلىق پيلوتتىق جوباسىن الماتى قالاسىنان باستاپ جاتىر»، –  دەدى مينيستر.

وسى ورايدا قالا جاڭا وقۋ جىلىنا دايىن با دەگەن ساۋال تۋىندايدى. بوستاندىق اۋدانى اكىمىنىڭ ورىنباسارى رەنات سەيدرامانوۆ: «اۋداندا مەكتەپتەردىڭ قۇرىلىسى مەن كەڭەيۋى ءۇزىلىسسىز ءجۇرىپ جاتىر. قازىردىڭ وزىندە 1625 ورىندىق №38, 60, 199 مەكتەپتەردىڭ قوسىمشالارى پايدالانۋعا بەرىلدى. 300 وقۋشىعا ارنالعان №191 مەكتەپكە جاپسارجاي قۇرىلىسى اياقتالۋدا. الەۋمەتتىك جاۋاپكەرشىلىك اياسىندا 300 ورىندىق №146 ليتسەي عيماراتىنا قوسىمشا قۇرىلىس جۇمىستارى اياقتالدى. كەيىنىرەك «Bazis-ا» كومپانياسى 300 ورىندىق №65 جالپى ءبىلىم بەرەتىن مەكتەپكە قوسىمشا قۇرىلىس سالۋدى باستايدى»،-دەدى.

ءبىلىم سالاسىنىڭ الماتى قالاسىندا قانات جايىپ وركەندەۋىنە پارتيالاردا ءوز ۇلەسىن قوسىپ جاتىر. الماتىدا قالالىق فيليالدىڭ ساياسي كەڭەسى بيۋروسىنىڭ جانە الماتى قالاسى ماسليحاتىنداعى «AMANAT» دەپۋتاتتىق فراكتسياسىنىڭ كەڭەيتىلگەن وتىرىسى ءوتىپ، وعان قر پارلامەنتى ءماجىلىسىنىڭ دەپۋتاتتارى – «AMANAT» پارتياسى فراكتسياسىنىڭ مۇشەلەرى قاتىستى. وسى كەڭەيتىلگەن وتىرىستا ءبىلىم بەرۋ جانە مەديتسينا وبەكتىلەرىن سالۋ ماسەلەلەرى قارالدى.

قالالىق موبيلدىلىك باسقارماسى وكىلى جىل سوڭىنا دەيىن 14 مىڭعا جۋىق وقۋشى ورنىنا ارنالعان 18 ورتا ءبىلىم بەرۋ نىسانىن ىسكە قوسۋ جوسپارلانۋدا. بۇل جوسپارعا 10 750 ورىندىق 11 مەكتەپ، 1 270 ورىندىق 5 قوسىمشا قۇرىلىس، 1 800 ورىندىق 2 عيماراتتى ساتىپ الۋ كىرەتىندىگىن ءسوز ەتتى. ءوز كەزەگىندە، ماجىلىسمەن بەكقالي تورعاەۆ بيىل اياقتالۋى ءتيىس 5 مەكتەپتىڭ قۇرىلىسىنا قاتىستى الاڭداۋشىلىق ءبىلدىرىپ: «بۇل نىساندار وتكەن جىلدان بەرى وتپەلى بولىپ كەلەدى. سونىڭ ءبىرى – مادەنيەت شاعىن اۋدانىندا مەكتەپ قۇرىلىسى. قۇرىلىس باسقارماسىنىڭ ەسەپتەۋىنشە، مەكتەپ تامىز ايىندا پايدالانۋعا بەرىلەدى. الايدا، نىسانعا بارعاننان كەيىن قۇرىلىس جۇمىستارى باياۋ جۇرگىزىلىپ جاتقانىن كوردىم. مەكتەپتىڭ ينفراقۇرىلىمى مەن اباتتاندىرۋ ماسەلەلەرى دە ەرەكشە باقىلاۋدى تالاپ ەتەدى»، - دەدى.

زيالىلارىمىزدىڭ يننوۆاتسيالىق وي-پىكىرلەرى مەن ۇستانىمدارى باسشىلىققا الىنىپ، ەلىمىزدىڭ ءبىلىم بەرۋ جۇيەسىن جاڭاشا قۇرىپ، جاڭا باعىتتا دامىتىپ، جەتىلدىرۋدە جاسالعان العاشقى قادامدار، وزگەرىستەر مەن جاڭالىقتار، رەفورمالار، جاڭا تەحنولوگيالاردى ەنگىزۋدىڭ ناتيجەلەرى بۇگىن ءوز جەمىسىن بەرۋدە. ءسويتىپ، وسى يننوۆاتسيالار ەلىمىزدىڭ تاۋەلسىز دامۋ كەزەڭىندەگى تاريحي شىندىعىنا اينالۋدا، سوندىقتان قازىرگى قازاقستاننىڭ الەمدىك قاۋىمداستىققا ەنۋ ۇدەرىسىن زەردەلەۋدە ءبىلىم جۇيەسىنە ەنگىزىلگەن زاماناۋي وزگەرىستەر مەن جاڭاشا بەتبۇرىستاردىڭ ماڭىزدىلىعىن ەسكەرمەۋگە بولمايدى. ولار قازاقستاننىڭ جاڭا زامانعا بارىنشا بەيىمدەلىپ، ءوز ساياساتى مەن ءوز ەكونوميكاسىن تۇزەپ، ءسوز بوستاندىعى مەن وي ەركىندىگىنە نەگىزدەلگەن دەموكراتيانى جەتىلدىرىپ، حالىقتىڭ ءال-اۋقاتىن جاقسارتۋدا جاسالعان ماڭىزدى قادام، ىرگەلى ءىس-شارالاردىڭ ءبىرى بولىپ قالا بەرەتىنى ءسوزسىز.

وسىنىڭ بارىنە باسقانى ايتپاعاندا ءبىر عانا الماتى قالاسىنداعى جارقىن ىستەر ارقىلى كوز جەتكىزە الامىز.

Abai.kz