2021 جىلى جالپىعا بىردەي دەكلاراتسيالاۋ شەڭبەرىندە اكتيۆتەرى مەن مىندەتتەمەلەرى تۋرالى دەكلاراتسيانى ۇسىنعان ادامدار، سالىق كودەكسىنىڭ 630-بابىنىڭ 2-تارماعىنا سايكەس 2022 جىلدان باستاپ جىل سايىن كىرىستەرى مەن مۇلكى تۋرالى دەكلاراتسيانى (سك 633-بابى) ۇسىنۋعا مىندەتتى. بۇل سونداي-اق مەملەكەتتىك قىزمەتتەن بوساتىلعان ادامدارعا جانە ازاماتتار ساناتىنان شىققان، دەكلاراتسيا تاپسىرۋعا مىندەتتى ادامدارعا (سونداي-اق مەملەكەتتىك قىزمەتشىلەر مەن ولاردىڭ جۇبايلارى مەن باسقا دا ساناتتاعى ادامداردىڭ زەينەتكە شىعۋىنا) قاتىستى.   

سونداي-اق، «سىبايلاس جەمقورلىققا قارسى ءىس-قيمىل تۋرالى»، «قازاقستان رەسپۋبليكاسىنداعى سايلاۋ تۋرالى» قر زاڭىنا سايكەس اكتيۆتەرى مەن مىندەتتەمەلەرى تۋرالى دەكلاراتسيا تابىس ەتكەن (250 سەن) جانە مەملەكەتتىك لاۋازىمعا نە مەملەكەتتىك نەمەسە ولارعا تەڭەستىرىلگەن فۋنكتسيالاردى ورىنداۋعا بايلانىستى لاۋازىمعا كانديداتتار بولىپ تابىلعان ادامدار مەن ولاردىڭ جۇبايلارى (زايىپتارى) جىل سايىن مىندەتتى ەگەر ولار جۇمىسقا تۇسپەسە نەمەسە سايلانبالى لاۋازىمعا سايلانباسا دا، كىرىستەرى مەن مۇلكى تۋرالى دەكلاراتسيانى 270.00 سەن (سك 633-بابى) تابىس ەتۋگە قۇقىلى.

كىرىستەرى مەن مۇلكى تۋرالى دەكلاراتسيانى (270.00-نىسان) تۇرعىلىقتى جەرى بويىنشا مەملەكەتتىك كىرىس ورگانىنا 2022 جىلعى 15 قىركۇيەككە دەيىنگى مەرزىمدە ەلەكتروندىق تۇردە ۇسىنۋ قاجەت.

وسى جىلى دەكلاراتسيانى تابىس ەتۋ جونىندەگى مىندەتتەمە مىناداي ساناتتاردا بار:

- جاۋاپتى مەملەكەتتىك لاۋازىمدى اتقاراتىن ادامدار مەن ولاردىڭ جۇبايلارى (زايىپتارى);

- مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار مەن ولاردىڭ جۇبايلارى (زايىپتارى);

- مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار مەن ولاردىڭ جۇبايلارى (زايىپتارى);

- وزدەرىنە جۇكتەلگەن فۋنكتسيالاردى ورىنداۋعا ۋاكىلەتتىك بەرىلگەن ادامدار. «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا جانە «سىبايلاس جەمقورلىققا قارسى ءىس-قيمىل تۋرالى»، «قازاقستان رەسپۋبليكاسىنداعى بانكتەر جانە بانك قىزمەتى تۋرالى»، «ساقتاندىرۋ قىزمەتى تۋرالى»، «باعالى قاعازدار نارىعى تۋرالى» قازاقستان رەسپۋبليكاسىنىڭ زاڭدارىنا سايكەس دەكلاراتسيانى تابىس ەتۋ جونىندەگى مىندەت.

بۇدان باسقا، «اكىمشىلىك قۇقىق بۇزۋشىلىق تۋرالى» قر كودەكسىنىڭ 272-بابى نەگىزىندە مەملەكەتتىك كىرىستەر ورگانىنا سالىق زاڭناماسىندا بەلگىلەنگەن مەرزىمدە سالىق ەسەپتىلىگىن ۇسىنباعانى ءۇشىن اكىمشىلىك جاۋاپكەرشىلىك كوزدەلگەنىن ەسكە سالامىز.

سۇراقتار تۋىنداعان جاعدايدا  1414 بايلانىس ورتالىعى ارقىلى حابارلاسۋلارىڭىزدى سۇرايمىز

ت.تۋرگاەۆ،

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ باسشى ورىنباسارى

Abai.kz