ارمەنيا مەن ءازىربايجان شەكاراسىندا تاعى دا قارۋلى قاقتىعىس باستالدى. ارمەنيا قورعانىس مينيسترلىگىنىڭ مالىمدەۋىنشە، شەكاراداعى جاعداي شيەلەنىسكەن.

«13 قىركۇيەك كۇنى ساعات 00.05-تە ءازىربايجان قارۋلى كۇشتەرى گوريس، سوتك جانە جەرمۋك قالالارىنىڭ باعىتىندا قارقىندى وق جاۋدىردى. قارسىلاس ارتيللەريا، مينومەت، پيلوتسىز ۇشاقتار مەن ءىرى كاليبرلى اتىس قارۋىن قولداندى»،— دەلىنگەن حابارلامادا.

قاقتىعىس سالدارىنان قازا تاپقاندار مەن جارالانعاندار بار. قازىرگى تاڭدا ولاردىڭ سانى ناقتىلانۋدا.

Abai.kz