قازاقستان پرەزيدەنتى قاسىم-جومارت توقاەۆ كونستيتۋتسيالىق كەڭەستەن پرەزيدەنت مەرزىمى بويىنشا باستامانى تەكسەرۋدى ءوتىندى.

«كونستيتۋتسيالىق كەڭەس قازاقستان رەسپۋبليكاسىنىڭ پرەزيدەنتى ق.ك. توقاەۆتىڭ پارلامەنت ءماجىلىسى دەپۋتاتتارىنىڭ ۇسىنىستارىنا بايلانىستى ازىرلەنگەن «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن قازاقستان رەسپۋبليكاسى كونستيتۋتسياسىنىڭ 91-بابىنىڭ 2-تارماعىندا بەلگىلەنگەن تالاپتارعا سايكەستىگى تۇرعىسىنان قاراۋ تۋرالى ءوتىنىشىن كونستيتۋتسيالىق ءىس جۇرگىزۋگە قابىلدادى. قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭىنا سايكەس، اتالعان ءوتىنىشتى كونستيتۋتسيالىق كەڭەستىڭ وتىرىسىندا قاراۋ ءۇشىن قاجەتتى ماتەريالداردى دايىنداۋ جۇمىسى جۇرگىزىلۋدە. كونستيتۋتسيالىق كەڭەستىڭ شەشىمى بۇقارالىق اقپارات قۇرالدارىندا جاريالانادى»، - دەپ حابارلادى كونستيتۋتسيالىق كەڭەس.

كونستيتۋتسيانىڭ 91 بابى 2 تارماعىنا سايكەس، «كونستيتۋتسيادا بەلگiلەنگەن مەملەكەتتiڭ تəۋەلسىزدىگى، رەسپۋبليكانىڭ بiرتۇتاستىعى مەن اۋماقتىق تۇتاستىعى، ونى باسقارۋ نىسانى، رەسپۋبليكا قىزمەتىنىڭ تۇبەگەيلى پرينتسيپتەرى وزگەرمەيدى».

ەسكە سالا كەتەيىك،  قازاقستاندا 2022 جىلدىڭ كۇزىندە مەرزىمىنەن بۇرىن پرەزيدەنت سايلاۋى وتەدى دەپ كۇتىلۋدە.

Abai.kz