بۇگىن مەملەكەت باسشىسىنىڭ لاۋازىمىنا ۇمىتكەرلەردى ۇسىنۋ باستالدى. ورتالىق سايلاۋ كوميسسياسىنىڭ حابارلاۋىنشا، رەسپۋبليكالىق بىرلەستىكتەر ءوز كانديداتىن 11 قازان كەشكى ساعات 18:00-گە دەيىن ۇسىنا الادى.  

كونستيتۋتسياعا سايكەس، ۇمىتكەرلەرگە مىناداي تالاپتار قويىلادى: ازاماتتىعى، سوڭعى 15 جىلدان بەرى قازاقستان اۋماعىندا تۇرۋى، جوعارى ءبىلىمىنىڭ بولۋى، 40 جاسقا تولۋى، بەلسەندى سايلاۋ قۇقىعىنىڭ بولۋى، مەملەكەتتىك قىزمەتتە نەمەسە سايلانبالى لاۋازىمداردا كەم دەگەندە 5 جىل جۇمىس تاجىريبەسىنىڭ بولۋى، مەملەكەتتىك ءتىلدى ەركىن مەڭگەرۋى.

بۇدان بولەك كانديدات ەڭ تومەنگى جالاقىنىڭ 50 ەسەلەنگەن مولشەرىندە (3 ملن تەڭگە) سايلاۋ جارناسىن ەنگىزەدى. جالاقىنىڭ ەڭ تومەن مولشەرى 60 مىڭ تەڭگەنى قۇرايدى. ءاربىر كانديداتتى قولداۋعا 118 مىڭ 273 سايلاۋشىنىڭ قولى جينالۋى ءتيىس.

ايتا كەتەيىك، قازاقستانداعى كەزەكتەن تىس پرەزيدەنت سايلاۋى 2022 جىلدىڭ 20 قاراشاسىندا وتەدى.

Abai.kz