ارمەنيا مەن ءازىربايجان ءبىر-بىرىنە تاعى دا وق جاۋدىردى. بۇل تۋرالى سارسەنبىدە ەكى ەلدىڭ قورعانىس مينيسترلىكتەرى حابارلاعان. قاقتىعىس سالدارىنان جاراقات العاندار مەن قازا تاپقاندار بار.

باكۋ ەرەۆاندى «اتىستى توقتاتۋ تۋرالى كەلىسىمدى بۇزدى»، دەپ ايىپتادى.

"28 قىركۇيەكتە ساعات 18:00 شاماسىندا ارمەنيا قارۋلى كۇشتەرىنىڭ بولىمشەلەرى كيالبادجار اۋدانىنىڭ الاگەلليار باعىتىندا ءازىربايجان اسكەري بولىمشەلەرىنە ءارتۇرلى كاليبرلى اتىس قارۋلارىمەن وق جاۋدىردى", - دەپ اتاپ ءوتتى ءازىربايجان قورعانىس مينيسترلىگى. ناتيجەسىندە ءازىربايجان تاراپىنان ءبىر سارباز جاراقات العان.

ال، ارمەنيا تاراپىنىڭ حابارلاۋىنشا، جەرگىلىكتى ۋاقىت بويىنشا ساعات 18: 00-دەن باستاپ ءازىربايجان قارۋلى كۇشتەرىنىڭ بولىمشەلەرى مينومەتتەر مەن ءىرى كاليبرلى قارۋلاردان ارميان-ءازىربايجان شەكاراسىنىڭ شىعىس باعىتىندا ورنالاسقان جاۋىنگەرلىك پوزيتسيالارعا وق جاۋدىردىرعان. كەيىنىرەك ارمەنيا قورعانىس مينيسترلىگى ارميان-ءازىربايجان شەكاراسىنداعى جاعداي سالىستىرمالى تۇردە تۇراقتانعانىن ايتتى.

ء"ازىربايجاننىڭ ارانداتۋى ناتيجەسىندە ارمەنيانىڭ ءۇش ساربازى قۇربان بولدى", - دەلىنگەن حابارلامادا.

ەستەرىڭىزگە سالا كەتەيىك، سوڭعى ايلاردا ءازىربايجان مەن ارمەنيا اراسىندا ەكى ءىرى قاقتىعىس بولدى. ناتيجەسىندە، ەرەۆان باكۋدەگى ستراتەگيالىق ماڭىزدى لاشىن ءدالىزىن باقىلاۋعا الدى جانە شەكارا ماڭىنداعى اتىستار اقش-تىڭ ايماقتاعى ءرولىن كۇشەيتتى.

Abai.kz