ءماجىلىستىڭ پلەنارلىق وتىرىسىندا "قازاقستان رەسپۋبليكاسى مەن تۇرىكمەنستان اراسىنداعى كاسپي تەڭىزىندەگى قازاقستان-تۇرىكمەنستان شەكاراسىن مەجەلەۋ جانە بالىق اۋلاۋ ايماقتارىنىڭ شەكتەس ۋچاسكەلەرىن ءبولۋ تۋرالى شارتتى راتيفيكاتسيالاۋ تۋرالى" زاڭ جوباسى ماقۇلداندى.

قۇجاتتى تانىستىرعان قازاقستان رەسپۋبليكاسىنىڭ سىرتقى ىستەر ءمينيسترى، پرەمەر-ءمينيستردىڭ ورىنباسارى مۇحتار تىلەۋبەردى شارتقا 2021 جىلعى قازان ايىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ پەن تۇرىكمەنستان پرەزيدەنتى گۋربانگۋلى بەردىمۇحامەدوۆ قول قويعانىن ايتتى.

"شارتقا سايكەس، تاراپتار قازاقستان رەسپۋبليكاسى مەن تۇرىكمەنستان اراسىنداعى اۋماقتىق سۋلاردى جانە بالىق اۋلاۋ ايماقتارىنىڭ شەكتەس ۋچاسكەلەرىن بولەتىن كاسپي تەڭىزىندەگى قازاقستان رەسپۋبليكاسى مەن تۇرىكمەنستان اراسىنداعى مەملەكەتتىك شەكاراسىنىڭ ءوتۋ سىزىعىن انىقتادى", - دەدى مۇحتار تىلەۋبەردى.

Abai.kz