اق ءۇي وتكەن بەيسەنبى كۇنى ستۋدەنت قىزدىڭ ولىمىنەن تۋىنداعان ەرەۋىلدى باسىپ-جانشىعانى ءۇشىن ىشكى ىستەر ءمينيسترى احمات ۋاقيدي، كوممۋنيكاتسيا ءمينيسترى ەيسا زارەپوۋر باستاعان يراندىق 7 شەنەۋنىككە سانكتسيا سالعانىن مالىمدەدى. ولارعا اقش بيلىگى "ينتەرنەتتى زاڭسىز بۇعاتتادى، ساياسي بەلسەندىلەرگە كۇش كورسەتىپ، زاڭسىز قامادى" دەگەن ايىپ تاعىپ وتىر.

يراننىڭ رۋحاني كوسەمى اياتوللا حومەني ەرەۋىلدى "بۇقارانىڭ ەرىكتى ارەكەتى ەمەس، امەريكا مەن يزرايل ادەيى ۇيىمداستىردى" دەگەن ەدى. رەسمي بيلىك 14 ادام ءولىپ، 1500 ادامنىڭ تۇتقىندالعانىن ايتسا، ەرەۋىلشىلەر:  قايتىس بولعاندار 130, ۇستالعاندار مىڭداپ سانالادى دەيدى.